لما المشير يبقى الكبير
لما الشيطان يبقى الضمير
لما الفلول ترجع تدير
لما الفقير يفضل فقير
بأمارة إيه تغيير ..!!
... ... ---------------------
لما الكبار ياخدوا الفلوس
لما البوليس يرجع يدوس
لما عكاشة يرجع يبوس
بأمارة إيه تغيير ..!!
----------------------
لما المحامى يبقى ديب
لما القانون يفضل يغيب
لما الجروح ترفض تطيب
بأمارة إيه تغيير ..!!
عاجل : صورة الست المنقبة اللى بتضرب دى في العراق واللى بيضربوها جنود امريكان..
صورة الستات اللى بتتسحل دى في فلسطين واللى بيسحلوهم جنود اسرائيلين..
صور الشهدا والمصابين دى من تونس وسوريا... صورة الشاب اللى اتجر على الزبالة دى من اليونان... الشيخ عماد من افغانستان والدكتور علاء من ليبيا..
الثورة اصلا فوتوشوب... وانا اصلا من الارجنتين و مارادونا ساكن في الدور اللى تحتنا في العمارة..مصر بخير والمجلس العسكرى زى الفل