[H_SRM]

الاخوة الافاضل اخي الكريم صاحب الموضوع واخي ebrahem

انا مستغرب من الهجوم على 6 ابريل مع ان الناس كانت بتفتخر بيهم لانهم وماحدش يقدر ينكر ده اشعلوا الشرارة الاولى للثورة وحركوا الناس ونظرة الناس اتغيرت ليهم وماحدش يقدر ينكر ده بعد ما لواء من المجلس الفلول طلع قال خونة متدربين في صربيا ووووو وكان مفلس من حيث الادلة واتكلم بدون وجه حق وبين ان المجلس الفلول ده بيحاول يقطع اوصال السياسيين في مصر اختلفنا معاهم او اتفقنا

انا بفضل الله لا علماني ولا ليبرالي ولا تبع 6 ابريل لكن مهما اختلفنا مع حد ماعندناش حق حتى كمسلمين نتهمه بدون أدلة خاصة ان المجلس العسكري الفلولي مش خضراء الشريفة مش مظلوم بالعكس المجلس المفلس الشايخ ده حد يقولي حاجة واحدة عملها للمصريين مش هتكلم عن اقتصاد او تنمية او او او حد يقولي انه سعى لرد حقوق الناس؟
لا مبارك اتحاكم على قتل المتظاهرين ولا العادلي ولا اي بني ادم فيهم مع ان المحاكمة جت بعد 7 شهور من الضغط!!!!!! ده يبين حجم التواطؤ والعار اللي على المجلس ده والله اللي قلبه على حد بيعمل الحاجة حتى قبل ما يطلبها منه اما احنا

محاكمات بضغط ومليونيات واهو ولا واحد خد حكم على قتل الثوار الله يرحمهم
رد الفلوس المتهربة الموضوع اتكتم عليه بشكل بشع
انتخابات مجلس الشعب بعد مليونيات وووو
ميعاد ترك السلطة بعد مليونيات برضوا

فازاي نتهم حركة او اشخاص ولنفرض انهم عملا وخونا ونسيب اللي هو سبب في كل ده وهو المجلس الفلول؟

ويا أخي ebrahem ما تقسش ظلم بظلم قيس دينك قالك ايه عبد الناصر أو مبارك لو كان ظالم ما تجيش تقول الظلم اللي على الناس قياسا بظلم واحد يبقى ايه؟ هو مش في ديننا برضوا حرمة دم المؤمن عند ربنا أعظم من حرمة الكعبة المشرفة؟

لو مشينا بمبدأ القياس بئا ما تقول بالمرة ال1100 شهيد وال100 دول اللي قدمهوملنا المجلس العسكري سواء بقصد وبايده او بعدم توضيحه لمن قتلهم هم مقارنة بشهداء ليبيا وسوريا فحاجة بسيطة!!!


الامور واضحة قبل ما نلتفت لجهة ونتهمها بدون أدلة نشوف المجرم الخائن الحقيقي للثورة..

وانا كمصري يهمني والله قبل اي حاجة اشوف الحقيقة واللي من وجهة نظري وضحت وضوح الشمس مجلس متآمر وجهات بتحاول تخرب مصر سواء داخلية أو خارجية ما أقدرش اقول مين لان مافيش ادلة لكن ده شعوري اعداء مصر كتير واغلبهم في ترا لكن ربنا هينصرنا باذن الله

وربنا ينتقم منهم