[خالدحامد]

المشاركة الأصلية كتبت بواسطة ahmedmh_ali

بسم الله الرحمن الرحيم
و
بة نستعين


( رابطة محبى عفروتو )

طبعا كلنا نعرف العضو المحترم الأستاذ / عبد الله ( عفروتو ) ... ، عفروتو بينى و بينة مواضيع كتييييير ، و دة كان أخر تعامل حصل ما بينا ..


شهادة حق للمرة المليــــــــــــــــــــــــــــــــون .. حصل فى الأسبوع اللى فات دة 4 مواقف بينى و بين عفروتو ..


( الموقف الأول )

كنت بتصل بعفروتو بكلمة علشان كنت جايب بضاعه مسدسات صوت و حاجات تانية بكمية كبيرة و مبالغ عالية جدا ، فكنت بتكلم معاه و المهم طولنا فى الكلام يقوم هوب الرصيد .... خالص ، و أنا كنت فى البيت عمال كل لما أمسك تليفون ألاقى مفهوش رصيد طيب و بعدين .. الاقى تليفونى بيرن عفروتو بيتصل بيا و بيقولى يلا نكمل كلامنا قعدنا نتكلم و نرغى و نرغى و نتكلم لغاية لما خلصنا .. بعديها ألافى عفروتو كمان بيحولى رصيد !! !! !!


( الموقف الثانى )

لما كنا بنتكلم كنا بنتكلم فى الشغل اللى أنا جايبة المهم البضاعه اللى أنا جايبها لما قلت عفروتو قالى لا أنت كدة سعر بضاتك حيبقى أغلى منى و مش حتعرف تبيع كويس .. أنا ح ألغى العرض بتاعى !! قلتلة نعم ؟ قالى أنا ح أدخل ألغى العرض بتاعتى و أنت أعمل عرض بيع .. قلتلة و أنت تضر نفسك فى أكل عيشك علشان أنا أبيع .. قالى أة !! اية يعنى مفيش مشكلة .. فى حد بيعمل كدة فى الزمن دة يا ناااااااااااااااااس ..


( الموقف الثالث )

فى أحد الأعضاء المحترمين فى المنتدى هنا سرق الموضوع بتاع عفروتو نصا و صورا و عمل بيهم موضوع محدثات صوت ، فلقيت عفروتو باعتلى رسالة على الخاص بيقولى ( ـ ـ ـ ـ ـ ـ ـ ـ ) سرق موضوعى بالنص و عمل بية موضوع ، قلتلة خلاص سهلة أنا ح أدخل أكلمة دلوقتى ، قالى لا .. سيبة مش مهم لو هو مقامة موضوع خلية ياخدة .. قلتلة بس دة حقك قالى مش مهم مفيش حد بياخد رزق حد دى حاجة بتاعة ربنا و مهما عمل مفيش حد بياخد أكتر من نصيبة ..... قلتلة خلاص فى الموضوع بتاعك أكتب ان فى واحد خد الموضوع بالنص و عملة كوبى و عمل بية موضوع .. قالى لا بلاش أأذية خلية يشتغل بلاش أزعل الناس منة ... أقولة يعنى بيضرك فى أكل عيشك و سايبة .. قالى مش مهم كل واحد بياخد مقامة ..


( الموقف الرابع )

لقيت عفروتو بيتصل بيا بيطمن عليا ، و بيشوفنى عامل اية فى الشغل و بعت منة قد أية و لسة فاضل قد اية ...




و الله يا جماعه ما فى حد بيعمل كدة خالص .. الراجل دة أنا لغاية دلوقتى لسة لا قابلتة و لا شوفتة و لا أعرف حتى شكلة ، بس مجرد التعامل معاه من وراء شاشة بيثبت قد أية هو محترم و ملتزم و بيحب الناس كلها و يعمل أى حاجة علشان غيرة و مش فارقة معاه أى حاجة و بجد هو التاجر رقم 1 فى نظرى و ياريت أى شخص أتعامل معاه يقول تجربتة لأنة بجد يستحق أن أحنا نقول فية شهادة حق ... و الأعضاء كلها بتحبة علشان ربنا بيحبة لأن ربنا سبحانة و تعالى لو حب عبد من عبادة حبب فىة الناس ...

علشان انتة محترم انا مستعد اشترى كل البضاعة الة عندك بسعر المناسب ليك ولة تزعل روحك احنا كلنا بناكل فى طبق واحد ويارب يوسع رزقك وبجد انتة راجل محترم