أ\كفافى المحترم
لو حضرتك عايز تقارن صح يبقى بين :جلوك17 , البريتا92 , هكلر بى30 ... سيج زاور بى220 عيار45 , الباقى كله 9مم ... اللى حقوله مش مقارنة من وجهة نظرى ده حيبقى وصف من الاستخدام مش اكتر.
الجلوك17 نموذجى للاستخدام المدنى مع وجود امان بالزناد , مداه اقوى من الهكلر بى30 , وزنه جميل , نشانه ممتاز , ردة فعله متوسطة و تعتبر اقوى من الهكلر بى30 يعنى الهكلر انعم من الجلوك , البريتا ميزتها الاساسية فى اعتماديتها المطلقة (لو لاحظت ان البريتا مفهاش موديل اسمه بريتا92 navy مثلا زى السيج 226 و 226 نافى) لأ اسمها بريتا ام9 زى بتاعة الجيش الامريكى ,يعنى كل موديلات بريتا تصلح للاستخدام العسكرى و بنسبة90% من موديلات البريتا مواصفات قياسية عسكرية ,البريتا92 تضرب بيها زى منتا عايز عمرها متعلق الا لو الطلقات فيها حاجة , البريتا مداها قوى جدا , وزنها و حجمها سىئ جدا جدا وغير عملى للاستخدام المدنى , البريتا92 موديل 2010 بها 3 امان زى الحلوان980 بس امان الزناد اللى فى الجلوك عملى اكتر عند الاستخدام فى الطوارىء , لو حفترض انك قافل ال 3 أمان شوف حتاخد وقت اد ايه عشان تفك ال 3 أمان و انته فى موقف طارىء , الجلوك والهكلر حيبقوا اسرع فى الاستجابة و الجلوك بالذات , الجلوك و البريتا تجميعهم احسن من الهكلر , الهكلر يو اس بى وهو منتشر اكتر من البى 30 فى مستخدمين كتير قالولى انه احسن من البى30 بس انا مضربتش بيه كتير عشان اقدر احس بيه صح , بس عموما الهكلر احسن من الوالتر بكتير فى الالمانى , بالنسبة للسيج بى220 مجربتوش قبل كده , جربت p226 navy وميزته الاساسية انه بيستحمل التراب , ردة فعله تقريبا زى الجلوك , وزنه اتقل من الجلوك و الهكلر , تخين قوى على الفاضى (عريض) , السيج زاور امانه شغال مع الشاكوش زى الريتاى بارون الصوت بالضبط يعنى لو فى مشكلة فى الطبنجة (الابرة او الشاكوش) ممكن يعمل مصيبه لو فى طلقة فى الماسورة ... اللى مستغربه بجد ان السيج زاور طبنجة هجومية و مسموح بترخيصه للدفاع ... وهو الطبنجة الوحيدة الهجومية اللى مصرح بترخيصها فى مصر , و الترخيص اسمه دفاع عن النفس مش هجوم على النفس
... و فى طبنجات هجومية ممنوع اصدار ترخيص لحيازتها لو السكن فى منطقة تتمتع بالحماية الشرطية.
سعر الجلوك مع مميزاتها يجعلها فى الصدارة .
موديلات ال x فى السيج زاور هى دى بس اللى يدفع فيها فلوس*عشان ليها اعتمادية و عمر افتراضى لا نهائى .
كل طبنجة وليها مميزات مش فى التانية .
بالنسبة لوجهة نظرى المتواضعة:-
استخدام مدنى : الجلوك ثم هكلر ثم البريتا ثم السيج
استخدام عسكرى : بريتا بس و السيج للمهمات الخاصة فقط عشان بيستحمل التراب و الملوحة الشديدة
ولك منى كل الاحترام و التقدير يا أ\كفافى