الاخ اشرف والاخ جزاك الله كل خير المؤشرات كلها بتقول ان فعلا هي دي البنت اللي الكلاب ضربوها بناءا على شهادة الاخت الكريمة في الفيديو ده:
________________________________
الاخ commando
شوف ده لو سمحت دي سوزان صديقة البنت اللي اضربت وصفها يأكد 100% انها البنت اللي في الفيديو اللي الاخ اشرف حطه واللي ظهرت حطة شنطة سوداء على ظهرها وبتساعد المصابين
دي عزة هلال شوفه لو سمحت
المفروض دي عزة هلال البنت اللي كانت لابسة احمر ماشية في أمان الله جنب السور لما اتلقت الضرب شغال على بنت راحت جنبها هي وشاب الشاب ده اسمه حنا زي ما اتقال اخد الطلقة في رجله من الضابط الكلب اللي كان بيجري وبيضرب نار ومعاه شوية حمير وغنم
اما الفيديو اللي حضرتك حطه فهو بدايته صورة فتاة ملثمة والاقرب تكون هي البنت بعدين بنسمع شتيمة بعدين بنشوف واحدة غير اللي في الصورة الاول تماماً واللي حاطت الفيديو بيحاول يحسسنا اننا اطفال اللي نشوفه نصدقه لان مين اصلا قلنا ان الشتيمة طالعة من المنتقبة؟ اللي هي اصلا مش البنت؟
فكر بعقلك أخي المحترم علاء عبد الهادي الله يرحمه والشيخ عفت الله يرحمه ومصطفى محمد الله يرحمه وحتى خالد سعيد الله يرحمه كل شهيد وكل مصاب اتعمل فيه كدة عشان سب الضباط؟؟؟؟؟
احنا قدام افتراء زي مايكون بنتعامل مع كفرة والله ضرب بشع وناس بتموت وقدام ناس بتدافع عن مصالحها لدرجة مش فارقة الناس تموت تتحرق المجلس العسكري اللي اديه اتندست بدم الشهداء ساكت على الحقيقة وده يخليني اوصل كمصري بفكر لاحتمالين: الاول انه هو اصلا الطرف الثالث, الاحتمال الثاني انه عارف الطرف الثالث ومشترك معاه بسكوته.
ياريت نفكر بعقولنا وبحكمة وبما يرضي الله
وبكرر الكلام اللي قاله الاستاذ معز مسعود سياسة لوم الضحية سياسة إنهزامية تدل على خوف الجاني أو حسابات شخصية.
شوف ده وهو اخر فيديو