اقتباس:
المشاركة الأصلية كتبت بواسطة kefafy
اخى الفاضل انا برشح لحضرتك السوستيه جنرال
انا مشترك فى الاهلى سوستيه من اكترمن 5 سنيين متصلين ومشترك معاهم فى انظمه كتيير ومعايا فيزاكارد كريدت منهم بردو وراى بمنتهى الامانه
بنك محترم وخدمه عملاء محترمين ومصاريفه رخيصة مقارنه بباقى البنوك عن تجربه (hsbc ,cib) ودول لسه مشترك فيهم بردولحد الان ولكن السوستيه هما الاساس
لان باقى البنوك بتطلعلك بمصاريف غريبه ولوائح تخنق بصراحة
حضرتك ممكن ب 500 جنية فقط تفتح الحساب وتستلم كارت atm من البنك بعد 15 يوم بالكتيير
وبعد كدة حضرتك تسحبهم كمان لو عاوز يعنى الفلوس وتسحبهم بعد متستلم الكارت ويفضل فى حسابك صفر رصيد (سواء جارى او توفير وده انت بتحدده اثناء فتح الحساب)
بس قول لصديقك ميسبش الحساب كدة على طول من غير فلوس لان ساعات بيحتاجو مصاريف تجديد سنويه اعتقد 100 جنية فى السنه مش فاكر بصراحة بس فى الحدود دى ولو ملقيوهاش بيبقى الحساب بالسالب يعنى عليه تكلفه التجديد للبنك لو حد حول له فلوس او هو عمل ايداع هتتخصم منه اتوماتيك من الفلوس الى عملها ايداع
هو ده الموضوع بختصار شديد قوى
والكارت atm بتاعه فيزا الكترون بتقدر تسحب من خلال اى ماكينه من بنك اخر نظير فرق بسيط قوى وهو 3 جنيه
وتحت امرك فى اى استفسار اخر
|
أ. كفافى لو فيزا الكترون يبقى فيه مشكلة واحدة ان مش هيقدر يشترى من النت بيه لأن الفيزا الكترون مبيكونش فيه الثلاثة ارقام اللى فى الخلف cvv اللى دايما بيطلبوا فى معاملات النت الا لو عملوا الكترون جديد فيه الثلاثة ارقام دول