اخي abosamer الفيديو لمؤتمر تقريبا كان في امريكا او بلد اوربي بالتالي الحاضرين مش عرب
ثانيا موضوع الانخراط مش معناه انه اخد جنب انه مش وطني وصدقني لو فيه ادلة تدينه هنكون كلنا ضده لكن انا كاره التلفيق اللي بيعمله اذناب النظام بيشوهوا صورة الناس عمال على بطال بدون ادلة لان الاحساس او الارتياح النفسي ماينفعش يتحكم بيها على وطنية شخص
ويارب الحقائق تبان وتوضح
معلش شفت ده بعد ما ضفت الرد
اقتباس:
|
وانا شخصيا اوءكد ان الجيش وقيادته وطنيين ولكن هناك اخطاء نتيجة قلة الخبرة ونتيجة الأستفزازات
|
معلش ممكن أعرف بأمارة ايه اخي الفاضل؟
لا فلوس رجعت.
ولا حد اتحاكم على 1200 شهيد و 14 الف مصاب
ولا مبارك اتحاكم بما يرضي الله تمثيلية
ومافيش قرار طلع الا بمليونات وضرب وقتل ودم
بصراحة مابقيتش واثق فيهم بتاتاً والسبب اللي الناس بتفكر فيه ومخلياهم في نظرهم كدة وطنيين انهم مضربوش الشعب بالنار بس لو عكسنا السؤال هو المفروض الجيش يضرب الناس بالنار؟
هو المفروض الجيش دوره ايه غير حماية الشعب.
وهو فعلا المجلس واقف مع الناس؟ ده في عهد مات 100 واتصاب 4000
ودلوقتي والنغمة اللي طالعة خافوا من 25 يناير عمليات تخريب هتحصل ورصدنا اتصالات ووو بين جهات.. طيب ياولاد الحلال مين الجهات دي عشان الشعب ياكلها بسنانه!! الاجابة دول اكيد اخوات الطرف الثالث اللي بئالنا سنة بندور عليه ..
استخفاف بعقول الشعب اخي يوم 23 يوليو لما طلعوا شككوا في 6 ابريل وقالوا بياخدوا فلوس وووو الناس ثارت على 6 ابريل واقسم بالله انا صدقتهم بس لما قعدت مع نفسي قولت فين الادلة؟ لا يوجد ادلة
انا والله كنت من اكتر المدافعين عنهم بين اصحابي واهلي لكن لما الايام عدت والامور اسودت واتهببت خلاص هدافع عنهم بأمارة ايه
فمن وقتها مابقيتش بثق في كلامهم مش كل واحد لابس زي عسكري هثق فيه الجيل اللي مش موجود دلوقتي جيل السادات او الشاذلي رحمهما الله وابو غزالة والمشير اسماعيل الناس دي بح مبارك سابلنا قوات مسلحة قياداتها احنا وحظنا بئا وصعب اثق في عسكري يمسك حكم تاني خلاص.
ربنا يعدي الايام على خير وربنا يكتب لمصر الخير