[farouk]

المشاركة الأصلية كتبت بواسطة kefafy

بسم الله الرحمن الرحيم
1- بص حضرتك على حالة الشكوش من ناحية ابرة ضرب النار لو فيها خربوش ولو صغير يبقا اتضرب بيه قبل كدة
2- وركب الخزنة فاضية وشد الاجزاء (علق الاجزاء للوراء) بص على مكان خروج ابرة ضرب النار (دائريا) من الداخل فيه مكان واضح مضغوط بشكل غير مستوى ولا لأ لان عادة اى مسدس ضرب بتلاقى حولين مكان ابرة ضرب النار كانها مضغوطة او مطبقة سنه بسيطة بشكل غير متساوى

وبالنسبة النصائح العامه لشراء اى مسدس
1- هز المسدس بايدك كدة واسمع بودنك فى صوت شخلاله ولا لأ
2- كرر الموضوع السابق وانت معلق الاجزاء للخلف
3- شد الاجزاء واضرب وتاكد من عمل الابرة و الزناد بشكل ناعم ولا فى تعليق
4- شد الاجزاء وكانك هتضرب بس شغل الامان وجرب تضرب الامان هيعلق ولا لأ
5- جرب السنجل اكشن و الدبل اكشن شغال من غير تعليق ولا الشاكوش بيفلت
6- املأ الخزنه على الاخر وشوفها هتستحمل الخزنه ممتلئة ولا كعب الخزنه لبلاستيك هيفلت
7- شد الاجزاء وجرب تضرب اتوماتيك وشوف طلق هيحشر ولا لأ (فى حالة الجاكال )
وعامه مبيبقاش فى استيكرات بس هتلاقى معاه المسدس وخزنه واحدة وكاس الخراطيش ومفتاح مدور بتزنق بيه دليل سوسته الاجزاء لما بتيجى تفك المسدس و العلبه البلاستك
ساعات بيحطو فرشة للتنظيف وساعات لأ وانا شايف انها مش مشكلة فى مسدسات الصوت
اهم حاجة تتاكد ان كل زرار شغال(الامان , زر رد الاجزاء , زر اطلاق الخزينة)
وياريت حد من الاخوة بردو يمكن نسيت حاجة او غلط فى معلومه يصححلى
وربنا يوفقك يا اخى الكريم

تسلم ايد حضرتك
انت مسبتلناش حاجه نقولها