[محمد عز]

اهلا بك يا باشمهندس علي وبأهل اسكندرية الاحباب
طبعا لازم تجيب بندقية هاي باور سواء زودت على الفلوس او لو لقيت حاجة نوع كويس بمبلغ أقل
ترشيحاتي المتواضعة من سنوات خبرتي وفي حدود المبلغ اللي انت ذكرته (جديد وغير مستخدم)
العيار الأفضل للصيد هو رقم 2
الا لو هتصطاد بين الاشجار او من مسافات قريبة او من داخل لبدة فبتكون بندقية رقم واحد مناسبة او رقم 2 بسرعة متوسطة
عدا الويبلي باتريوت الانجليزي اي عيار فيها قاتل وقوي جدا وسعرها كمان دلوقت 7000 وانت طالع
ولذلك الأفضل:
ديانا 52 الماني غربي اصدار سنة 1989 سعرها بين 5300 و5500 جنيه
ديانا 54 اير كينج اصدار 2001 الماني سعرها بين 6200 و6500 جنيه
جامو اسباني هانتر 1250 جديدة رقم 2 بين 3500 و4 الاف
بي اس ايه انجليزي سوبر ستار رقم 2 حوالي 4500 جنيه اقل او ازيد
وبعدهم في السعر المتوسط
نوريكا مارفك جولد اسباني حوالي 3500
نوريكا كويك اسباني 3300
نوريكا ويست اسباني بين 2700 و 2900 حسب التاجر
وفيه ايضا بسعر مناسب جدا
جامو الاسبانية هانتر 440 نمرة 2 سعرها 2200
وجامو هانتر 890 الاسبانية ايضا سعرها بدون نشانات 2100 جنيه والتنين سرعة واحدة 722 قدم يعني 220 متر ثانية وفيه اصدار منهم اقوى سرعة 750 قدم يعني 250 متر ثانية زي النوريكا مارفك جولد والنوريكا الكويك
فيه طبعا تحف زي الويبلي باتريوت بس غالية طبعا ولو انها بندقية العمر يعني بعد عمر طويل هتورثها
وينطبق نفس الكلام على بعض انواع البي اس ايه الانجليزية
وطبعا البنادق الفايروخ الالمانية وخصوصا الموديلات المصنعة في اواخر الثمانينات والتسعينات ومنهم موديلات الكسر 80 و85 ومرسيدس الفايروخ الاسطورة 77 الاندر ليفر طبعا اللي افضل كتير من الموديلات المصنعة حديثا ما عدا فايروخ 90 علشان بتشتغل بمكبس (جاز رام ) مش سوستة ودول مش موجودين بالسوق واللي عنده واحدة منهم بيمسك فيها كأنها عيل من عياله
ومن الاخر كده
زود 300 او 500 جنيه وهات ديانا 52 الماني غربي نمرة 2 جديدة وانسى الدنيا وريح بالك
ونصيحة
ماتشتريش من حد غير معروف علشان ما تكونش البندقية ملعوب فيها او مجددة
وطبعا اي حاجة على المنتدى ماحدش بيقدر يلعب فيها في وجود الاساتذة الكبار والخبراء من المشرفين والاعضاء