اقتباس:
المشاركة الأصلية كتبت بواسطة محمد حافظ
يا حبــــــــــــــــــــــــــــــــــــــــــــــــ ـيبى ثعابيـــــــــــــــــــــــــــــــن
لآ و أصلات كمان ربنا يزيد و يبارك
و بياكلوا فئران بيــــــــضاء و لسه مولودة يا جمالـــــــــــــــــــــــهم
و دول بتجيبهم منين الفئران ألنونو ألملاعين دول
أنا بأموت فى ألتعابين بس بأموت برضه من ألفئران
ألآولانين حب و ألتانين رعب
خلينا فى ألآيجوانا دى أخبارها أيه
و يا سلام لو عندك سلحفاة مائية أللى أسمها
حمراء ألآذنين بس ألحجم أللى قد ألكازوزة
تبقى خدمتنى |
ههههههههههههههههههههههههههههههههههههههه
ربنا يخليك يا استاذ محمد
لا مش شرط لسه مولوده حسب حجم التعبان و عمره بيتحدد نوع و وزن و حجم الفريسه ( و مش شرط فيران فى ناس بتاكلهم كتاكيت بس انا بستحرم الكتاكيت جداااااااااااااااااااااااا )
فى مزارع صغيره مخصصه لانتاج فئران بيضا لتاكيل التعابين
والله يا استاذ محمد انا هقول لحضرتك على حاجه انا زمان كنت بكره التعابين و بكره الفران عما بس جت فى فتره من مده طويله مش فاكر ايه الحصل حببنى فى التعابين بس فعلا التعابين واخده سمعه وحشه فى مصر بالظلم التعبان كان ذكى جدا و فى انواع وافيه و عرفه ريحت صاحبها
و الفران كنت و مازلت بكرها انا لما باجى ارمى فار للتعابين بمسك الفران بمساكه او كماشه من ذيلهم و لو حصل و لمست الفار حتى بالغلط بغسل ايدى بمياة نار ههههههههههه
بس انا مريح دماغى رامى الفران فى طبق غسيل كبير فى البلكونه و مبيعرفوش يطلعوا منه برمل بواقى الاكل من البيت و شكرا على كدا الفار العليه الدور بيطلع بالكماشه و على فكره اانا فاكر كويس جدا اول مره اول ما جبت اصله و رملتها فار ابيض اضايقت جدا و اتازمت و كنت مخنوق و حسيت بالزمب انى عذبت الفار بس بعد كدا بقى الموضوع عادى
لان اصلا دى سنة الحياه الربنا خلقها
و مع الوقت كمان حبيت الفران البيضا و الهامستر بجد كائنات مسالمه جدا و فى حالها لدرجه انى مبقتش اقف كتير قدامهم عشان انا لما بحب كائن معين مبفرتش فيه و دا سبب انى ربيت جوز هامستر كنت جايبهم عشان ااكل التعابين من خلفتهم بس مع الوقت بقوا زيهم زى اى كائن حى موجود فى البيت عندى
الاجوانا طبعا مفيش بعد كدا جمال و اناقه
كان عندى جوز متر و نص كان ب 3000 جنيه و من شهر او اكتر شويه كان عندى واحده 35 - 40 سم ( بالذيل ) كانت بحوالى 800 جنيه بكره ان شاء الله هيجيلى ليستة اسعار الاجوانا
السلاحف الحضرتك تقصدها الهى الريد ايير سلايدر red ear slider دى موجوده بكثره لانى بجبها اصلا ضمن شغل اسماك الزينه بس البجبها احجام صغيره 5 سم على فكره السلاحف المائيه بتكبر اسرع جدااااااااااااا من البريه يعنى فى خلال كام شهر هيضاعف حجمها
** طيب حضرتك بتقول كدا على الاصلات امال لو قلت لحضرتك انى عندى اناكوندا بس مردتش انزل اعلانها هتقول ايه ؟؟ موجوده واحده اناكوندا صفراء مترب 1500 جنيه بس دى مش اى حد يربيها حتى لو بقاله 10 سنين بيربى اصلات لانها فئه تانيه خالص دى من ساعة ما تفقص من البيضه و هى ماكينة افتراس و عض و بتحتاج بركه كبيره عشان تعيش فيها لانها بتقدى 75 % من وقتها فى المياه
اقتباس:
المشاركة الأصلية كتبت بواسطة خط الصعيد
على فكرة انا كنت محتار فى اسم جودزيلا بس انت طلعت اسم على مسمى الحجات دى صعبة علينا يا كبير
|
ههههههههههههههههه جودزيلا دا اسم طلع عليا وانا فى الجامعه
ولا صعبه ولا حاجه صدقنى الاصلات تربيتها اسهل من تربية السمك او القطط او الكلاب او العصافير و الكلام دا انا معنديش اى مشاكل انى اربى 100 اصله و اسافر باشهر و الاتنين و مقلقش عليهم و مجرد ببص عليهم وانا رايح او جى اشوفهم فين بس و خلاص على كدا و مره فى الاسبوع بفتح الاقفال و الترابيس و الذى منه ارمى الفار و اقفل الاقفال و امشى و شكرا على كدا و لو زهقان شويه اجيب كرسى و احته قدام بيتهم و اتفرج عليهم ( عشان انا البعمل بيتهم بايدى من الخشب و بواجهه زجاج و سقف شبك صلب )