مش عاجبك الجيش ادخل
"معترض على المجلس العسكري؟ اعترض براحتك بس بأدب من غير ما تشتم و لا متعودتش تتكلم بأدب !!
مش عاجبك الجيش؟ عنه ما عجبك لكن متقولش عليه عسكر لأنه مش مرتزقة بتدفعله عشان يحميك و مبيشتغلش لصالح حد ,, بيشتغل لصالح مصر .. يوم ما هتروح تستخبى في بيتكوا هيبقى هو بيحارب عالجبهة !
مش هامك المجمع العلمي اللي اتحرق؟ متجيش تتفلسف و تقول أصل البني آدم أهم من الإنسان,, بما إنك بتبكي على اللي ماتوا و استشهدوا و هم مالهمش ذنب فعلا ,,أحب أعرفك إن المجمع العلمي ده ناس كتيييير استشهدوا عشان يحافظوا عليه من زماااااااااااااااااان من وقت الحملة الفرنسية! فمتحاولش تبرر إن اللي حرقه كان زعلان عاللي ماتوا!
عايز تغير ؟؟ أطلب و ناقش و اتكلم لكن متخربش و تكسر و تحرق عشان تثبت إنك قوي في محاولة لوي دراع للسلطة العليا في البلد!
مش عاجبك البرلمان؟؟ مضطر تستنى لحد ما فترته تنتهي عشان الشعب اللي نزل انتخب من حقه يجرب و مش من حقك تجور عليهم!
عايز تتظاهر و تعتصم؟ مفيش مشكلة,, لكن مش من حقك تقفل ميدان أو تعتصم قدام مبنى وزاري أو تمنع موظف من إنه يأدي عمله!
مش عاجبك رأي غيرك عشان ضدك؟ حقك لكن متقولش أصله فلول أو أبناء فلان و علان,, لأنك بقيت ديكتاتوري أكتر من النظام اللي فات!
في النهاية... عايز تنزل يوم 25؟؟؟ إنزل,, بس... لو فكرت تشتم عساكر أو ضباط أو فكرت ترفع إيدك و تمدها على حد منهم سواء ضرب سواء طوب سواء مولوتوف,,,, أنا أول واحدة هنزل أخد حق الناس دي و محدش هيخلصك من إيدي! و قد أعذر من أنذر"
|