رد: احذرو هذه الاسماك
النفيخ دى انا صايد منها كتير فى البحر الاحمر و ليها اسمين فى مصر ( القراض ) ( الارنب ) و اللى اصطدته كان حجم البورى الكبير الحتة من كيلو و انتا طالع اولا سنانها حامية جدا لما تلاقى سنون الصيد متاكلة تعرف ان فيه اما قراض و اما باراكودا تقوم منزل السنون الصلب بالوير الصلب و بيكونو مجموعات يعنى هتملا الايس بوكس نيجى للمهم جداا
هية فعلا فيها اجزاء سامة فى الاحشاء و الجلد لما تطلع السمكة تحطها على بطنها و تمسكها من ورا راسها و تدبح من قفاها و لغاية قبل الجلد اللى المفروض بتاع زورها و تقوم سالخ الجلد بالاحشاء فى ثانية تلاقى نفسك ماسك حتة لحم صافى و الف هنا و شفا و لحمها لونه وردى علشان كدة سموها الارنب و برضه علشان السنتين اللى فى مقدمة فكها ( و حصل فى مصر حالات تسمم و ناس ماتت علشان طبخوها كاملة )
__________________
الصياد مايصتدش صياد 
|