اقتباس:
المشاركة الأصلية كتبت بواسطة amhamed
بصوا انا عاوز اقول كلمة حق لوجه الله تعالي
الايفون فيه منه نوعين النوع المقفول علي شبكه معينه وده سعره 4600 زي الي في موبينيل وفودا فون
وفيه منه المفتوح من المصنع وده بيتباع في ابل لاين او بييجي من بره وسعره معدي ال7000 جنيه (زي المعروض هنا)
(المفتوح بتعرفه بالتجربه يعني تجيبه وتنزله firmware جديد من ابل او تعمل reset - يعني ماتعملوش jailbreak ولا unlock وتحط فيه شريحه لو اشتغل يبقي مفتوح من المصنع لو ماشافش شبكه يبقي مقفول)
فالطرفين كلامهم صح بس فيه خطأ في المقارنه ماينفعش نقول ان المفتوح من المصنع الي تمنه 7500 جنيه سعره في المستعمل 2700 جنيه والا نبقي بنبخس الناس اشيائها
هو فعلا السعر في حالة المقفول ممكن يكون من 3300 - 3700 حسب الاستعمال
لكن سعر المفتوح بيكون من 4500 ل 5500 ولكن التجار بيستغلوا الي بيبيع على الرغم من انك لو رحت تشتري هايقولك ده اغلي لانه مفتوح
فتحياتي للجميع وبيع موفق للتليفون وماتستعجلش في بيعه وهايجيبلك اكتر من كده
|
تسلم يا باشا على كلامك الجميل ده
بس والله انا حاجز ماك بوك وسعره يعتبر رخيص جدا ف كنت عايز ابيع الايفون و ابيع الاى باد2 رغم انى ما استعملتهومش عشان الحق اجيبه ولو استنيت اكتر من كده ممكن الجهاز يتباع ف عشان كده كنت عايز ادبر الفلوس بسرعه
وبالنسبه للايفون انا بصراحه مليش خبره فيه و ديه اول مره اتعامل معاه , و ما كنتش حطيت فيه خط اصلا لكن لما لقيت الناس بتتكلم على حكايه المفتوح و المقفول جبت 3 خطوط موبينيل واتصالات وفودافون و صغرت حجم الشريحه على اد مكانها فى الجهاز وبصراحه لقيته اشتغل مع التلاته ف الناس قالولى كده يبقى الجهاز مفتوح رسمى ما دام اشتغل من غير اى تعديل
و قالولى انى لو هبيعه اطلب فيه 4500 جنيه بس ما لقتش استجابه بصراحه ف نزلت سعر الجهاز
لسرعه البيع
و بالتوفيق للمشترى وشكرا مره تانيه على كلامك