خواطر ثوره ماتت..بينما مازالت تتنفس
الثورة الحقيقية فى تونس.... اما احنا زرعنا الورد طلع لنا فجل وبقدونس
الثورة ما تعرف ها يسموها اية... يمكن ها يسموها قضية عزيزة ويونس
ها يشيلوا كل الاسماء يمكن ها يسموها جمال وعلاء
يمكن ها يسموها سوزان...... زى ما كانوا بيسمو زمان
يسموها مصر مبارك او يمكن ها يسموها اخوان ..
و الفيلم ابيض و اسود و بالوان...معروض حولينا في كل مكان
فى المجلس طبعا غالبية ... القاتل راح يدفع دية
والثوار يبقوا اجندية ....
لكن مصر ها تولد تانى وتسمى المولود سيف...
بتار علي ايد كل سارق ثوره..او غلي علينا حق رغيف ...
مصر ها تزرع تانى الارض بدالفجل هيطرح ورد و جو نضيف ...
وتشيل كل الفاسدين يبقى اسمها ورد ويـــاســمين .
محمد ابو سيف
__________________
كل اناء ينضح بما فية
|