طلعه بين الامتحانات بتاريخ 2012/1/19
السلام عليكم و رحمة الله و بركاته.......
طبعا بين الامتحانات بيبقي الواحد في منتهي المشقه و التعب من السهر و المذاكره و الامتحانات
فقولت اطلعه طلعه بس قبل ما احكي الطلعه عايز اقول حاجه
انا ظلمت حبيبتي الكرال و قولت انها بترمي رش عالي و كنت في حيره طب العيب في السوسته ولا العيب في الجلبه و لا العيب في الششخنات و لا العيب في ايه ؟؟؟؟؟؟ وقعدت اتصل علي الاعضاء علشان يقولوا لي حل المشكله دي .....
وانا في الموضوع ده احب اوجه كل الشكر الي الاعضاء (وآم محمد و عادل عبده و روك و احمد مصطفي و اسلام )
لان الناس دي انا وجعت دماغهم بالموبايلات كل شويه علشان يقولوا لي حل في مشكلة البندقيه والناس دي بامانه في منتهي الاحترام و الاخلاق و كل واحد فيهم خدوم اكتر من التاني وبصراحه انا زادني شرف بمعرفت احلي و اجدع اصدقاء في المنتدي مع احترامي لكل الاعضاء .
المهم و انا بفك البندقيه علشان انضفها جت عيني علي النشنكان الخلفي ولقيت انه متحرك من مكانه فركبته مكانه و بعد ما شحمت البندقيه و قفلتها قولت اجربها و ضربت الرشه الاولي جت في مكانها و الرشه التانيه نفس الكلام و التالته و هكذا ..........
فجبت سكوب من kemoboos بصراحه السكوب فوق الممتاز فقولت اطلع طلعه اجرب فيها البندقيه و السكوب فطلعت انا و امير و محمد عصام هما اصدقائي بس مش معانا علي المنتدي و ملهمش في الصيد
وطلعت بصراحه الكرال فوق الممتاز وبندقيه جميله جدا جدا
المكان: 6 اكتوبر
الزمان : من الساعه 9 ص حتي 4 م
الحصيله : 20 فرد يمام و 1 حمامه
ودي كانت اول استفتاحه
وده بقي البشمهندس امير وفرحان اوي انه اتصور بالبندقيه بيحسسني انه اتصور باربجيه هههههههههه
و الصور دي كانت اخر اليوم
__________________
اخوكم
مهندس/ عبدالرحيم
أُسبح باسمك الله "" وليس سواك أخشاه
وأعلم أن لي قدراً "" سألقاه سألقاه
أذكر الله في الرخاء
يذكرك في الشده
(اتقي الله )
|