[البنهاوى]

شكراً لتعليقاتكم الجميلة وتشريفكم بقراءة الموضوع

المشكلة الحقيقية مش فى النصاب اللى بينصب .. المشكلة فى الناس الغير متعلمة والغير واعية والتى تشترى وتشجع مثل هؤلاء النصابين

تخيلوا إعلان التليفيزيون الواحد بيتكلف كام فى عرضه .. مبلغ كبير .. طيب كام مرة بيتعرض الإعلان ده فى الساعة الواحدة .. أكتر من 5 مرات .. يعنى فى اليوم الواحد ما لا يقل عن 100 مرة .. وذلك فى متوسط مثلاُ 5000 جنيه للإعلان .. يعنى حوالى 500.000 جنيه يعنى نصف مليون جنيه فى اليوم الواحد .. كام يوم فى الشهر بيتعرض .. مش مهم

المهم إنه الراجل صاحب الإعلان لازم يكسب أكتر من نصف مليون جنيه فى اليوم و إلا ما يقدرش يصرف كل المبلغ ده وكان اكتفى بعرض للإعلان أقل من كده .. مرة فى اليوم مثلاً

يعنى فيه زباين غير متعلمين كتير لدرجة إن الراجل ده بيكسب منهم فى سلعة وهمية أكتر من نصف مليون جنيه فى اليوم الواحد

تخيلوا قد إيه عندنا ناس غير متعلمين وغير مثقفين وغير واعيين فى مصر محتاجين نشتغل عليهم ؟!!

تفتكروا هانعرف نعمل حاجة ؟!! ...