[محمد حافظ بك]

السلام عليكم اخواني الافاضل في المنتدي .. يوم الجمعة الماضي كنت في البلد و كنت قدام البيت هناك و لقيت حاجة بني ماشية ناحيتي ؟؟ و كان معايا ولاد عمي ساعاتها .. دققت النظر لقيته صقر شاهين في حد ضاربه و مش عارف يطير .. المهم مسكناه بسهولة و لاحظت الارهاق عليه فعلا لان ملقتش في مقاومة او هرب يذكر من ناحيته .. حطيته في قفص بعد ما صورته ..و احترت اعمل معاه ايه لانه فعلا صعب عليا جدا و زعلت من اللي ضربه ..!! المهم اليوم عدا و انا مش عارف اعمله حاجة فجيت تاني يوم قلت اصطاد عصفورة و احطهاله يمكن ياكلها ... و بالفعل اصطدت عصفورة و بمجرد ما حطيتها في القفص مسكها برجله قلت بسسس هينفع الموضوع ..طلبت من الموجودين يبعدوا و راقبته من بعيد لقيته اشتغل في العصفورة و مسافة ربع ساعه كان سايب الريش و الدماغ ..كررت الموضوع و اكل عصفورة تانية .. بس رجعت اسكندرية يوم السبت و وصيت ولاد عمي يقوموا بالواجب لغاية ما يشد حيله و نسيبه بعد الشفاء ان شاء الله ..سبحان الله الصقر ربنا بعتهولي عشان ارعاه و ااكله .. و دعوة لكل الصيادين بعدم صيد الصقور..و لكم تحياتي ..