اقتباس:
المشاركة الأصلية كتبت بواسطة khaled_sabry
معرفشى لما حضرتك قولت انك كنت حاطط المسدس فى شنطه العربيه و معاك الاولاد و كده فكرتنى بموقف حصل من 10 سنين تقريبا
كنا بنصيف مع والدى فى بورسعيد
و احنا خارجين من بورسعيد كان فى التفتيش الجمركى المعتاد و كان اللى بيقوم بالتفتيش موظف عادى و عسكرى بالمدفع الرشاش بتاعه - قالو لوالدى افتح شنطه العربيه
فتحهالهم و فتح ااول شنطه هدوم ... و كان على وش الهدوم مدفع رشاش بلاستك اسود بتاع اخويا الصغير
اول لما شوفه المدفع الرشاش الاتنين (الموظف و العسكرى) صعقو و بلمو وبقيو يبصو لبعض فى ارتباك (افتكروه حقيقى )
بابا لاحظ اندهاشهم الشديد ... وقالهم " ايه فيه ايه عادى " و تناول المدفع الرشاش و مسكه فى وضع التصويب عليهم و قالهم " طاخ طاخ .. تتتتتتطااخ"ببقه زى الاطفال الصغيرين
العسكرى و قع على ضهره من الخضه و الموظف جرى بعيد .. و بابا وقع على الارض من الضحك
طبعا هو موقف مالهوش علاقه بالموضوع بس افتكرته من مشاركتك و كل ما افتكره ادحك لغايه الناهرده
|
اهو الموقف الي حضرتك بتحكيه ده فعلا بيبان فيه ستر ربنا كان ممكن العسكري يفتح علي والدك النار من رعبه الحمد لله انها خلصت بشوية ضحك وبقت ذكري حلوه وربنا يديم ستره علينا