[amhamed]

السلام عليكم

انا عضو جديد وصياد جديد لسه شاري بندقيه كرال وكان كلي شوق اني انزل اصطاد لكن لقيت حاجه غريبه جدا انك علشان تصطاد لازم تكون عارف مكان تصطاد فيه سبحان الله حاجه عجيبه فعلا

وبما اني ماعرفش اصطاد فين قلت اسأل الاقي الاجابات عايمه تحسسك انهم بيصطادوا في مكان سري وماحدش عاوز يقول بيصطاد فين او ياخدك تصطاد معاه مثلا مش عارف ليه مع انها هوايه ماحدش معتمد عليها في رزقه والمفروض يكون يقيننا ان الرزق بتاع ربنا يعني لو حد جديد زي حالاتي او حتي قديم مش هاياخد من رزق حد وده كنت باشوفه اكتر في صيد البحر ممكن المركب كلها ماتصطادش وواحد بس شغال الله ينور دي ارزاق

فانا عاوز اقول لاصدقائنا في المنتدي ماتخافوش علي رزقكو الي مكتوب لكو هاتاخدوه مش اكتر ولا اقل فتشجيعا للهواية والهواه ساعدوهم وخدوهم معاكو حتي من باب الونس يا اخي يعني الي طالع يتعلم ده هايضرك في ايه ؟؟؟ ولا هاينقص رزقك ايه ؟؟؟ وافتكر انك كنت في يوم مابتعرفش تصطاد ولقيت ناس تعلمك وتاخدك معاها لحد ما اتمرست وبقيت صياد وليك مواضيع انما ناس توعدك وتطنش وناس ماتجيش وكده (طبعا الي عنده ظروف الله يكون في عونه انما الي مستكبر او بيداري ربنا يهديه ويشفيه)

وانتظروا قريبا موضوع بيع بندقيه كرال لم تستخدم حتي الان

علي اي حال اللهم اليك اشكو ولا شكوي الا اليك ولا مفرج للكروب الا رحمتك

وشكرا