اول طلعة بالهانتر 440
اول مرة اطلع اصطاد بالهانتر 440 واول مرة اصتاد فى حياتى . الصيد بجد بجد امتع حاجة فى الدنيا رياضة بتجمع كل الصفات الحميدة ( الصبر و الهدوء و التركيز و الحكمة فى اتخاذ القرار والايمان والقناعة بالرزق اللى كتبهولك ربنا والسيطرة على الغرائز والتفكر فى خلق الله من الفرائس وسلوكها واشكالها واماكن وجودها وكيفية حصولها على رزقها وسعيها عليه وعلاقة الطيور المختلفة ببعض فعلا فيه علاقة انا اول طلقة ضربتها الغربان صرخت صرخات قويه حذرت كل الطيور من حمام ويمام الموجودة فى المكان . ده بخلاف الرياضة البدنية بسبب حمل السلاح والحركة والتربص والتعمير ومطاردة الفريسة ..........حاجات كتير كتير انا حسيت انى اتعلمتها بجد انا مكنتش بصتاد بس انا كنت بتعلم من الطبيعة وبسترد حاجات تاهت مننا فى مشاغل الحياة اليومية وكفاية كدة لما اتعلم حاجة جديدة من الصيد هشاركوا معايا فيها ان شاء الله نسيت اقولكوا انا كنت لوحدى فى الطلعة دى الحصيلة يمامة وجوز حمام ودى الصور
|