اقتباس:
المشاركة الأصلية كتبت بواسطة kefafy
وبما ان حضرتك يا جنرال استاذنا وخبير مصر فى الطبنجات والاسلحه
استسمح معاليك فى موضوع بيان عالمعلم يختص فى الستار بما انها موديل مشهور
من مميزات وعيوب واشهر موديلاتها فى مصر ومتوسط سعر السوق وكدة
وكدة ومن حضرتك نستفيد كالمعتاد يفندم
وتحياتى لحضرتك
|
أ\ كفافى المحترم
فى ناس كتير فى مصر و فى المنتدى معاهم طبنجات ستار
انا شخصيا جربت 3 موديلات بس فى الستار
واحد منهم اللى فى الصورة اللى انته بتحبه , عياره 9مم قصير 9*17 , و ده حجمه مثالى و شيلته متحسش بيها , وزنه جميل , و مسكته انته عارفها كويس بتزيد من التحكم فيه بسهولة , ارتداده متوسط , مداه الفعال لا يزيد عن 50 متر , مبيسخنش خالص , وخزنته 8 طلقات , و ميتقلش عليه ربع , ده حجم مدمج مش حجم الربع.
التانى ستار ميجاستار , وده حجم الدبابة و وزن الفيل وهو فى حجم البريتا92 , وفى معانا عضو فى المنتدى معاه زيه , و فى صعايدة كتير بيحبوه اوى ومنتشر لحد ما فى الصعيد , خزنته كانت 14 طلقة على ما افتكر و عياره 9مم طويل , ارتداده عامل زى الحلوان , فى منه موديل 10مم مش موجود فى مصر .
التالت , اسمه ستار a سوبر , و اكتر موديل منتشر فى مصر و اللى منتشر منه هو موديل a و موديل b اللى مش سوبر , و فى ناس معاها نفس الموديل و فى منه بيضرب 9مم طويل و فى منه بيضرب قصير , و الاختلاف بينهم فى الماسورة و الخزنة بس , وهو بحجم الحلوان51 و ارفع منه بشوية و خزنته 8 طلقات زى الحلوان و ارتداده متوسط .
الستار سلاح له اعتمادية كبيرة و تصليحه سهل فى مصر لانه منتشر جدا مع الناس العواجيز خصوصا لو ضابط شرطة او جيش على المعاش و الصعايدة كمان .