[bedreamer]

اسمحولى اشاركم موضوع الطبب الطويلة مع الجاكال ديوال
اكتشفت بعد تركيب الطبة الطويلة ان الموضوع مش زى ما كنت متخيل تماما
وانى لازم اطرحه عليكم واشاركو وياكم
وانها مؤذية جدا ويجب استخدامها بحذر شديد
لانى كنت شارى الجاكال بطبة صغيرة وضارب بيها بلى فكان تاثيرهااقل بكتير والحقيقة اللى خلانى افكر فى الطبة الطويلة مش ضعف تاثير البلية انما عدم الدقة فى النشان وده اتأكدلى بعد ماضربت بيها لأول مرة فكتها وبصيت فيها لاقيت ان البلية رقم 2 خابطة فى اولها من الداخل وعاملة علامة كانها صلصال قلت فى بالى اكيد هو ده السبب اللى مخليها تغير اتجهاهها بشكل ملحوظ ,لا والناس فى المنتدى عمالين يقولو معدن صلب وبتاع واشى طبة ب200ج واللى يقولك 150ج وهو حديد عادى خالص ومكربنين لونه علشان يقنعو الناس بأوهام عن طريق تسخينها ووضعها مباشرة فى زيت وجاز علشان تسود ويقولك بقت صلب
واللى اكتشفتو كمان ان لو المعدن الصلب اتخرط على الماكينة او المخرطة هتبوظ للراجل سن الخراطة بتاعة اللى تمنه غالى واللى ممكن يخسر بسببه فا ده مش بيحصل
وقلت طب لو الطبة دى طويلة بحيث انها تستلم البلية من اول اطلاقها من الطلقة لحد ما تخرجها مالماسورة بالسلامة ياترى هتخبط فى ايه ؟؟
كان الجواب ولا حاجه
وده اللى خلانى افكر فيها رحت للخراط فى بورسعيد واكتشفت ان بعضهم بيخاف يعملها وبعدين طبعا كنت مظبت مقساتى بالمللى وجاهز بيها لأنى مبنزلش بالسلاح نهائى
اولا الراس الحلوزى المقلوظ او السن كان جاهز معايا علشان مقساتو نفس مقاسات الطبة الصيرة
اما الماسورة الداخلة بعد كده فا دى قستها طلعت 8.4 سم طول
بقطر مفتاح الانكيه 5 وبداخله فتحة بمقاس بلية رقم 2 بكل بساطة
لما رحت قاللى اعملك اللى انت عاوزه بس المشكله فى الراس مش هتبقى الانكيه هعملهالك بتربط بمفك عادة
قلتلو والحل قالى ممكن تجيبلى مسمار الانكيه غاطس وانا اظبتهولك قلبت عليه الدنيا مش موجود وفى الاخر رجعت قلتلو اعملو عاده وخلاص وهيبقى غاطس بردو
عملها بالمقاسات اللى اديتهالو بالمللى و كربنها بالطريقة اللى سبق شرحها واتمتها وكانت النتيجة كويسه جدا شكلا وموضوعا المشكله الوحيدة انها بارزة من الماسورة بعد التركيب ب1 ملم ودفعتلو 40 ج باسهم وحطه على راسه
روحت البيت ركبتها بصراحة واجهتنى صعوبه فى التركيب لعدم توافر الادا او مفك عاده معووج على شكل حرف أل للتركيب بس على مين اتعاملت بردو
وضربت بيها طلقة ودى كانت النتيجة


http://img208.imageshack.us/img208/8763/29012012103.jpg

http://img831.imageshack.us/img831/9049/29012012102.jpg

http://img853.imageshack.us/img853/3336/29012012099.jpg

اختراق لوح خشبى بعرض 2 سم
وعدت منه و ضربت فى الحائط وعملت فيه الثقب العميق الموضح
على الرغم من ان الاطلاق كان من مسافة 6 متر بهامش دقة على الهدف 4 سم
كل المقاسات المطروحة مسبقا غير تقريبيه ومؤكده
ومهانش عليا انهى الموضوع وابخل عليكم بشكل الطبة وهيا راكبه فى المسدس وبالمرة اعرض عليكم الحته الجاكل حبيبتى وتقلولى رأيكم بصراحة ولكم منى احلى تحية

http://img12.imageshack.us/img12/9046/30012012105.jpg

http://img842.imageshack.us/img842/701/30012012107.jpg

http://img543.imageshack.us/img543/1205/30012012109.jpg

http://img190.imageshack.us/img190/3365/30012012108.jpg

http://img407.imageshack.us/img407/3964/30012012104.jpg