الماكميلان اول بندقية رماية تكتيكية بجد وطبعا الامريكاني .. أم الروسي هاهاهاها
لا غبار عليها بندقية الرماية التكتيكية الأولي فالعمليات الخاصة السيل تيم و 777 والصاعقة بيستخدموها دلوقت بانتشار
لو انا مكان فرد في عملية وبختار سلاح مش ححتاج فيه كثافة نيرانية او حعمل منفرد حختارها وش البندقية دي بتتفكفك حتت و تركيبها أسهل من الطبنجة مش حتعلق ولا تفلق أخرها أن الطلقة كدبت يعني ضغطت التتك ... تيك ومضربتش عمر تاني واضرب الي وراها اما الدراجنوف لو علقت حتتشقب علي وشك علشان تشتغل والطلقة المحشورة تخرج وحتهبد وتخربط فمكانك كتير كأن جالك جرب او انت بتنشن لما تجيلك دبانة تقف علي الناشينكاه بتاعك أو برغوت ماشي فبنطلونك
هي بندقية البحرية الامريكية نمرة واحد دقتها أجدع من svd
طريقة التنشين أي مبتدأ ممكن يضرب بيها لأنه صليبة عادية مدرجة من الوسط سهلة الضبط علي جهاز التعيير مش محتاج اختراعات وانت بتنشن اكتر من أنك قناص وحتعمل الحسابات المعروفة لدي القناصين حسب الذخيرة المستخدمة مش حسبة برمة جوه التليسكوب وبره التليسكوب
المدي مقارب للقناصة الروسية والسرعة مقاربة بس انت بتتكلم فالدقة 100% رد الفعل غير محسوس ثبات ممتاز
السيبية الخاصة بالبندقية فوق النمرة واحد البندقية لازقة فمكانها سهلة الفك والتركيب مش أفيس زي الروسي ودي ميزة
في منها موديلين m40a1 و m40a1 و m40a3
الثاني و الثالث طبعا هو المعدل
دبشك فايبر بكل الوان الطيف وماسورة مصنوعة من معادن مقاومة للصدأ اصلا فمش مشكلة لو الدهان قشر
بس لازم يدهن والا الماسورة حتكون بتلمع فتكشفك يامعلم
اما الأول لأ ممكن الجزء الخارجي يضربة الصدأ ويخشن فلازم بالزيت والسلكة تنضفة وبعد كدة ترشه علي طول
جميع الموديليات ...
ممتازة مع كواتم الصوت فمش محتاجين أن أحنا نعمل تعديلات فالماسورة ولا غرفة ضرب النار والظرف بيقع جنبك بمسافة 20-30 سم وبيكون يادوب بينط او لما بتشد الترباس
مثالية في انهاء المواقف الصعبة وتحرير الرهائن و ضربة واحدة والسلام والعمليات الدقيقة ذات الأهداف المحددة
المنظار الاساسي 3-12*50 و 3-9*40 تقريبا والله ما أنا فاكر وفي واحد تاني بس تايه من دماغي لان اسمه معفرت بس الثلاثة صانعهم القوات الأمريكية
وعلي فكرة البندقية دي ثمرة جهد 3 شركات وهي ريمنجتون والجيش الامريكي وماكميلان للصناعات البنادق وهي اصلا بندقية ريمنجتون وطورها واحد اسمه ماكميلان الي الشركة باسمه وطورها بناء علي طلبات جنود مشاة البحرية الامريكية علشان كدة هي بندقية رماية حكاية
بس العيوب ان الذخيرة بتاعتها هي ماركة وينشستر وهي من 7.62 مم ناتو ... ولما تلاقي سلاح مكتوب جنب ذخيرته ناتو يبقي انتهت حياته ماله الروسي تفتح أي علبة تونة حتلاقي له ذخيرة .... هاهاهاها
لايوجد ناشينكاه وهي بندقية رماية فلو العدو قريب منك مش حتقدر تستخدمها غير SVD ممكن تستخدمها علي انها رشاش نصف آلي وتفك التليسكوب من عليها وحالك حيبقي شغال
صورة ضابط من 777 وهو سيتخدم الماكميلان
الأحسن منها بنادق كتير والله بس انت قصدك احسن منها من البنادق الي فالخدمة ولا من الي برة ؟؟؟
