كفافى باشا المحترم
الكوبى و البايست مش عيب , بس منجيش نعاند مع اللى جرب و تعب عشان الكوبى و البايست
خبرة التجارب قد تختلف احيانا عن خبرة المعلومات اللى موجودة على النت بالذات فى السلاح بصفة عامة
و متنساش انك اول واحد بسأله فكل ما يتعلق بضغط الهواء لانى مليش خبرة فيها زيك , مفيش حد متكامل
بنادق القنص اللى اعرفها هى اللى جربتها بس و معظمها تاكتيكال , انا اصلا مش غاوى بنادق زى المسدسات فمسعتش انى اجرب كتير منها , بس برضوا بنادق القنص ليها متعة كبيرة , و القنص مش مجرد واحد بينشن كويس , القنص بيبقى من على مسافات كبيرة اوى و محتاج حسابات و حاجات تانية غير النشان الدقيق.
و ساعات بستغرب اوى انى مثلا كان معايا طبنجة لاما اسبانى على الرخصة , يعنى كانت سلاحى الشخصى , و حد يقول لا مبتضربش 9 قصير , و انا هريتها ضرب 9 قصير لحد ما عدمت منها 2 عشان كده دائما بقول ان الستار احسن فى الاسبانى بناء على تجربة مش على كلام مرسل , و فى حاجات كتير مجربتهاش و معرفهاش و ده شىء طبيعى و عندك امثلة تانية كتير جوا المنتدى .
مثلا فى عندك عضو محترم اسمه دوبى ربنا جعله سبب فى انى اغير حاجات فى الجلوك عمر ما جه فى دماغى انى اغيرها ... يموت المعلم ولا يتعلم
بصراحة الواحد اتعلق بالمنتدى من الناس المحترمة اللى زيك و زى ناس كتير انته ذكرت منهم شوية .