[Atb]

المشاركة الأصلية كتبت بواسطة medo_hunt2012

بس ممكن اسال سؤال هو انا هروح اصطاد من على كوبرى ترعه الاسماعيليه ومعايه عود بماكينه ودى اول تجربه ليه فى الصيد ولان الحاجات دى جات لى هديه فانا مش عارف هى هتنفع ولا لأ الماكينه فيها بكره وكل حاجه من غماز لتقال بس هو الراجل رابط الثقل عن مكان معين من الخيط وانا كنت عايز اصطاد والمياه غويطه شويه فانا ممكن اعمل عقده فوق غير دى علشان الغماز يعوم عندها.........

حبيب قلبى .... الغماز بنصطاد بيه فى المياه القريبه او اللى مش عميقه .... يعنى تحطه قدام عينك عشان تشوفه .. لا كن انت بتتكلم فى عمق اكبر ومسافه وارتفاع اطول ... يبقى بتصطاد بالحداف ..... يعنى ايه بقا حداف انا هشرحلك :

1- بتفك الغماز من الخيط
2- بتجيب تقل ( او تقال) اللى هوا الرصاص وبتتحكم فى اختياره وزنه حسب سرعه الميه او ضرب الميه نفسها ... لقيت الميه هاديه يبقا حط تقل خفيف شويه ... لقيت الميه والشد والتيار شديد يبقا تحط تقل تقييييييل شويه ... عشان لو خفيف اللهم انك هتقعد تتزاول للصبح ومش هتطلع حتى( شررايه ) يعنى اصغر سمكه ... لانك مش هتحس بأنها بلعت الطعم او نتشت حتى ..
3- لو هتحط سنين او سن واحد ( هيلب ) وهتصطاد فى المكان ده .... خليك فى سن رقم 8 أو 9 ... عشان البلطى ما اكتره هناك ..
4- خلى المسافهبين السن ( الهيلب ) والتقل .... متزيدش عن متر بالكتير
5- سمى الله واحدف ... ومتسيبش التقل يفل يغطس لحد ما تحس انه رسى فى القاع ارفعه شويه بسيطه وحس بالعود اللى فى ايدك ...
6_ اختار مكان التيار فى هادى وسقط السناره تحتك ... وحس بيها اول ما تلاقى السناره بتشد او اللبلوب بيلعب ... او العود ابتدى ييتقل فى ايدك ... انتش السناره بالعقل كده نتشه بسيطه ... ناحية اليمين او الشمال ... ولم بعديها الخيط بسرعه .. واوعى تسيبها تفلت منها

واى خدمه ... لو احتاجت حاجه تانى