[كيمو الصعيدي]

المشاركة الأصلية كتبت بواسطة fishtic

قال تعالى "يا أيها الذين ءامنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين "
صدق الله العظيم
انا عملت الموضوع دا عشان أوضح اللي حصل مع العضو miracle
احب ف الأول اشكر الأعضاء المحترمين m7moud ‎‎& smsm saber ‎‎& hema ‎777h
على مساندتهم ووقوفهم جنبي

ثانيا هحكي بالتفصيل ايه اللي حصل
ف الأول اتصل بيا واحد اسمه محمد وقالي عاوز الأوكابي الألماني واتفقنا ع السعر وقالي الميعاد لازم يبقى خميس او جمعة عشان الشغل
قولتله أوك
رجع كلمني يوم الأربعاء وقالي بكرة الساعة 10 وقالي بلاش تتأخر عشان عندي درس الساعة 11 (مردتش اقوله وفين الشغل وبلعتها) فقولتله احنا لسه متفقناش ع المكان قالي محطة مترو غمرة قلتله مش هينفع يا نتقابل ف عبود يا اما ف محطة مترو كلية الزراعة قالي لأ بعيد قوي دا انا هجيلك من السيدة زينب (وكان بيسرح بواحد ف المنتدى ومفهمه انه جالي من اسكندرية) قولتله لو انتا جاي من السيدة زينب انا جاي من الزقازيق ومتفقناش
وبدل ما كنت هنام بدري عشان اسافر الساعة 8 نمت متأخر براحتي عشان مفيش سفر ،صحيت متأخر لقيته رن عليا الساعة 9:30 اظاهر فاكر ان بين القاهرة والزقازيق ربع ساعة واني هقله خلاص هلبس واجيلك:d
المهم انا فكتني من الحوار وخصوصا لما عرفت انه لسه ف ثانوي وحسيت انه عاوز المطوة كسلاح مش كإقتناء
وانا مش هشيل ذنب واحد يتعور منها
وكمان مش ضامن اسافر واروحله يقولي استناني اخلص الحصة ولا حاجة مش طالبة
بعتلي رسالة ع الخاص قالي لو هتحدد ميعاد تاني كلمني
ومكلمتوش عشان انا صرفت نظر
بعتلي رسالة بيقولي انا هجيلك محطة مترو زراعة بس كلمني عشان انا اديت ناس كلمة
وانا معرفش انسان ايه اللي يدي ناس كلمة ف حاجة مش تحت إيده
كام يوم ولقيته بيبعتلي رسايل تهديد ع الموبايل وبيحلف انه هيعمل وهيسوي وانا سايبه يكلم نفسه لحد ما بعتلي رسالة ع الخاص بيشتمني وبيسبني بوالدتي
هنا طبعا محدش يقولي اعمل تبليغ والكلام دا لأن ساعتها العقل مش بيبقى اللي مسيطر
المهم رديت عليه الشتيمة ودي غلطتي اني نزلت لمستواه القذر دا فتقريبا عمل تبليغ وانا اللي اتعملي حظر
دا الحوار
ثانيا العضو كيمو الصعيدي اللي مفيش ف اخلاقه ريحة الصعيد داخل يعمل مشاركة بخصوص الموضوع دا يكتب
"الكلام ده فعلا لو حصل يبقي الأخ miracle عنده حق لأن اللي بيقول عيب وازاي تقول كده ماجربش يسافر من اسكندريه لمصر وفي الاخر الأخ فيشتك يقفل تليفونه
ده شغل ---------- ولا بلاش
يعني من الرجوله يا فيشتك انك تكلم الراجل وتعتذله وتمتص غضبه عيب ديافشتك يا شرقاوي انت كده عريت الشراقوة بتصرفاتك
انك تقفل تليفونك معناهاى انك مش قادر تواجه وخايف
وعموما دي مش اول مره يا فشتك في قبل كده موقف اتحكالي من واحد كان عايز مطوة من العرض الي كنت عامله وفي الاخر قفلت تليفونك فانا لما جمعت الموقف الي احكالي مع موقف miracleاتضح الاتي
انك معتاد علي كده وليس لمجرد وجود ظرف طاري
ثانيا واضح ان ده طبع في شخصيتك لازم برضه تغيره انا عارف هاتتعب شوية عشان تغيره بس احسن ماتتعب الي حواليك"

مع انه مسمعش من الطرفين اللي حصل
وداخل ينصحني بإيه اللي اغيره ف شخصيتي وإيه اللي المفروض اعمله واني عريت الشرقاوية
انا اتعاملت شخصيا مع كل من الأعضاء الآتين
pooforever
hema777h
المدمر
العبد الفقير
smsm saber
eng essam
m7moud
‎ ‎777
المستشار القانوني
الأستاذ ياسر كفافي
الأستاذ شريف ابو ضيف
كابتن محمود دياب

واسف لو كنت نسيت حد

واتعاملت ف التليفون مع الأعضاء الآتين
mostafa tawhed
amg
الأستاذ وليد سامي
amir omar
m.afifi
eng.amg
amr saber
eng waled rahmy
essam doritos

واسف لو كنت نسيت حد

ممكن تسأل الناس دي يا كيمو يا صعيدي عن مواعيدي وعن التعامل ولما كان الحاجة بتروح للناس شحن في حد راحتله حاجة غير اللي طالبها او قولتله بعتلك الحاجة وانا مكنتش بعتها
أو قولت لحد ابعتلي حاجة ومروحتش اخدتها ودفعته فلوس الشحن
انا بس حبيت اوضح للناس حقيقة الموضوع
ولكم الحكم

اولا حقك علي راسي من فوق لو كنت غلطت فيك
ثانيا كل الأعضاء اللي انت ذكرتهم وخدتهم في صفك من غير ماتستأذنهم برضه علي راسي من فوق لأنهم من احسن الناس في المنتدي
ثالثا المشكله بينك وبين عضو زيك مش معني العضو ان محدش يعرفه او ماتعاملش مع حد يبقي في وضع شبهه ومش معني ان الأعضاء عارفاك يعني انت معصوم من الغلط فاهمني؟ كلنا بنغلط
والأعضاء لو ساندوك هايساندوا الحق مش هايساندوك عشان صاحبهم او انك اتعاملت معاهم
رابعا في عضو الي اسمه ميراكل مش موجود عشان يحكي الي حصل ولو حكي الي وانت كدبته وهو كدبك احنا مش جهة تحقيق او نيابة عشان ناخد اقولك واقواله
خامسا ماتزعلش ياسيدي حقك عليا ان كنت زعلتك في رد تقوم انت تعملي موضوع ههههه