[Consul]

المشاركة الأصلية كتبت بواسطة karim eid

وكتاب الله يا باشا انا ميت على نفسي من الضحك والوالدة عمالة تقرأ معايا الكلام وخليتها تبعد علشان كانت هتموت من كتر الضحك ربنا يدينا طولت العمر
بس سؤال فني بعد اذنك انت على عيني وراسي من فوق فوق خالص
بس انا عايز اعرف انا ازاي هحافظ على السلالة دي انا تعبااااان اوي والله
وبعدين يا باشا ده انا يجيلي الشرف اني بشوف ردود معاليك في مواضيعي ده المواضيع من غيرك والله ولا تسوى
تحياااااتي.........

الله يبارك فيك حبيب قلبي...ربنا ينعم عليكم بالصحة والسعادة والهدوء وراحة البال...اللهم آمين...بص حبيب قلبي أنا مش عايزك تقلق خالص من ناحية حفظ السلالة...أنت رجل جيناتك لسه بخيرها أصلية وبيور ولم تتعرض لأي عوامل خارجية أو ضغوط نفسية بسبب العقارب إياها...بالعلم الحديث والتكنولوجيا المتقدمة كل المطلوب منك التبرع بـ 1 سم3 ( يعني 1 سنتيمتر مكعب ) كافية جدا لتأمين ملايين من الأجيال القادمة مع حفظها في النتروجين السائل لعقود من الزمن...زي ما إنت شايف كده الموضوع بسيط جدا ولا فيه حتى شكة إبرة...يبقى ليه نعرض نفسنا لقرصة عقربة...وما أدراك ما العقربة...إعقلها وتوكل على الله...وإصرف نظر عن موضوع الأرملة السوداء...على أيامنا ما كانش فيه الإختراعات الحديثة دي...يا ريت كان موجود...ما كانش حد غامر بنفسه وإتعرض لقرص العقارب ولدغات الحيات...أنا بأعتبرك مسعد ومحظوظ إنك لقيت حد بيحبك ويخاف عليك يقدملك النصيحة ويحذرك...بس يا ريت تسمع الكلام وتلحق نفسك...إحنا علشان متغذيين كويس ومتأسسين صح إكتسبنا مناعة ومابقاش يحوق فينا سمهم...لكن الخوف عليكم أنتم جيل اليومين دول أكلتم الفراخ البيضة والفاكهه والخضار المرشوش والسمن النباتي وأخيرا الأندومي وشربتم اللبن البودرة والبيبسي...أجسامكم ضعيفة ما تستحملش...أرجوك إسمع كلامي وما تتعبنيش معاك وتوجع قلبي...لا تحوم حول الحفرة حتى لا تقع فيها...إتعلم الدرس وإستفيد ممن سبقوك...إبدأ من حيث إنتهينا...ولا تبدأ من حيث بدأنا حتى لا تعيد الكرة مرة أخرى...تقبل مروري...مع خالص تحياتي...