[kefafy]

اهم حاجة الناس الى ملهاش لازمه وقرفينا بيهم فى الفضائيات يلاقيلهم لقمه عيش
واحلى سبوبه بيعلومها اليومين دول
و6ابريل وحقوق الانسان وائتلافات شباب الثورة و المجلس الاستشارى مش ظاهرين طبعا الناس الوطنيين دول ولا بينين فى اى حاجة ولا بيحاولو يفهمواشويه الصيع الى بتقتحم وزارة الداخليه ان ده جريمه فى قانون فى اى بلد فى العالم
هى دى الوطنيه فعلا
وقمه الوطنيه بقا انى اشترى قناع فنديتا واعمل زى بريطانيا واروح اولع بالمرة فى مجلس الشعب
وكل القوى دى كلها مش قادرة تفهم ان الشعب زهق وقرف منهم خلاص ولا بقا ليهم اى شريعه ولا فى شارع ولا فى الميدان
و كل واحد راح السنه الى فاتت الميدان هو عارف انا بقصد ايه
مكنش فى بلطجة ولا سرقه ولا اى شىء انما دلوقتى اتحدى اى حد
يدخل على موقع مصراوى او اليوم السابع
ويطلع خبر يخص الثوار او حدث يخص الثورة واقراوة التعليقات الى مكتوبه
وشوفو عدد الناس الى بتشتم وشوفو عدد الناس الى بتمدح ده لو لقيتو وهتصدقو
احنا الى ادينا الفرصه لسؤ السمعه دى بعد مكانت انضف ثورة فى تاريخ الثورات
ثورة ملهاش محرك ولا ليها متحدث محدد ولم كان حد بيحاول يعمل فيها القطب الاوحد كان بيضرب بالجزمه
وبالنسبه للاعلام الجاهل الى معندهوش وسطيه ومزيع امبارح متخلف بيشجب مدير الامن علشان بيستخدم قنابل مسيله للدموع والجاهل الى ميعرفش حاجة ان القنابل المسيله للدموع دى اول حاجة فى الشغب
مستخدموش رصاص مطاطى ومستخدموش خرطوش فى الدفاع عن نفسهم
والله لو مجاش لرئاسه الجمهوريه و وزارة الداخليه رجل صارم زيها زى اى بلد ديمقراطى
وطهر البلد من الفساد واتعامل مع اى حد يتعدى على مقدرات وممتلكات البلد بالذخيرة الحيه بردو زيها زى اى بلد ديموقراطى والى سافر بره عارف انا قصدى ايه
صدقونى يا جماعه كل واحد فيينا هيبيع جرير فى الشارع ده لو حد زرعه اساسا
و الجنيه المصرى الغلبان هيبقا زيه زى الجنيه الصومالى
والدولار هيعمل 500 جنيه مصرى وهو ده التطور الطبيعى لاى اقتصاد عالمى
علشان الناس تنبسط وتفضا تربى عيالها ويعرفو هما رايحيين فيين وجايين منين
وعلى فكرة والله العظيم الخسران هو المواطن البسيط
اى حد فينا ممكن يسافر بره يشوف اكل عيشة
انما الى ممعوش غير معاشه ده يعمل ايه؟؟
ياريت ياجمعاه اى حد يقدر يعمل اى حاجة فى اى مكان علشان رفعة اسم بلدة ميتاخرش
بالطريقه الى تريحة بس ارجوكم مبقاش فى مجال للكلام خلاص
ولله الامر من قبل ومن بعد