اقتباس:
المشاركة الأصلية كتبت بواسطة mimic
لأ يا حودة hoka كان مشارك انا متأكد وتقريبا مشاركته اتحذفت وابقا اسالو المهم انت عامل ايه واحشني والله ............ ابقا اسال يا راجل يا طيب |
والله انت راجل شربات يا أخي العزيز أستاذ ميمي سي علشان أستاذ مومو 44 بيقولك أن أخونا أستاذ حوكه ما كتبش رد أو مشاركة في هذا الموضوع وانت مصر إنه كتب...وأنا كمان بأكد عليك إن أستاذ حوكة ماكتبش فعلا وأنا متابع الموضوع من أوله وحسيت انك بتسخن وتنكش أخونا حوكة علشان يرد ويكتب في الموضوع ده...ما علينا...المهم ربنا يخليلك ابنك الغالي وتفرح بيه يا رب وتشوفه في أحسن المناصب وتشيل عيال عياله...اللهم آمين...عايزين نعرف بقي الطربوش الأحمر الجميل اللي انت لابسه ده...حالته إيه..؟ بتبيعه جديد بالكرتونه...ولا مستعمل علي خفيف...وطالب فيه كام...ويا ريت كام صورة كده من عدة زوايا تبين حالته...وأهم حاجة بزر ولا من غير زر...وسعره جديد في المحلات إن وجد كام...وما تخافش في جميع الحالات أنا شاري...مش ها نختلف علي السعر...خالص تحياتي واحترامي للجميع