رد: موقف مجرج ومضحك فنفس الوقت
هقولكو على موقف محرج موت ومضحك جدا جدا
كنت عامل عرض على مطاوي فكلمني واحد من المنصورة وقالي انا هجيلك الزقازيق
وجالي فعلا وعشان ميعرفش البلد قلتله اركب تاكسي وخليه ينزلك قدام بوابة مستشفى الجامعة عشان انا كدا كدا
كنت ف مطعم جنبها
وصل وكلمني وقالي انا لابس جاكيت بني وساند على عربية بيجو
رحت قايم وماشي لقيت المستشفى لها بابين عديت على اول باب لقيته رحت داخل مسلم وضحك وبتاع
وسألته ايه اخبار المنصورة قالي زي الفل بس في شوية قلق وكدا
فجأة الموبيل رن ولقيت الشخص بتاع المنصورة بيتصل وبرد لقيته بيقولي فاضلك كتير يا باشا عشان بس انا واقف ف الشارع...قلتله دقيقة وهبقى عندك باي.
ورحت مسلم ع اللي كنت واقف معاه وقلتله متأمرش بحاجة قالي الف شكر ياغالي(زي مايكون متربيين سوا الله يخربيت البانجو) وسيبته ورحت اقابل بتاع المنصورة ع البوابة التانية
ايه رأيكو...........
__________________
رامي الدسوقي
فشتك حاليا
|