طبيعة الحمام وكيفية صيده
السلام عليكم ...
سوف اسرد لكم واقعه تم اكتشافها بمعرفتي و كان الدكتور محمد حسن معايا ... يمكن تكون الفكره دي عند صيادين كتير بس إلى هقوله ده من خلال مراقبة سرب حمام في مكان معين و في طلعتين عشان عاوز اعرف الحمام بيتحرك ازاي و بينزل على الارض باي طريقه ....
اولا:- ازاي الحمام بيطير في الهواء ..
الحمام عامل زي الطيارات الحربيه بيطير في اسراب و تقريبا كل حمامه ليها موقع معين في هذا السرب .
ثانيا :- ازاي سرب الحمام بينزل على الارض ..
هوه الحمام بينزل على الارض عشان يشرب او ياكل ...
طب نفرض في حتة ارض فيها مايه و الحمام عاوز يشرب ... اكيد مش هينزل السرب كله مره واحده عشان يشرب عشان الامان . طب بيعمل ايييه ؟؟؟
السرب بيلف حوالي لفتين تلاته حول الماكن إلى فيه مايه .. و بعدين حمامه واحده بس بتنزل الارض و تطير على طول و الحمامه دي زي المراقب للارض .. و بعدين السرب ينزل على المايه و يشرب على طول و بسرعه عاليه و يطير و يكرر العمليه دي كذا مره ...
طب هنصطاد ازاي ..؟؟
انا هسرد طريقتي في الصيد .. كان لابد العربيه و المسافه إلى بيني و بين موقع نزول الحمام حوالي 30 متر و المكان إلى بينزل فيه الحمام عند المايه وقت العصريه ... و كنت موجه البدقيه لمكان نزول الحمام واول ما ينزل السرب اضرب بسرعه عشان السرب مبخدش ثواني و يطير بسرعه ...
هذه عن تجربه شخصيه و الحمد لله رب العالمين كرمني بالمعلومات و الصيد الوفير ... واكيد طبعا الاستاذ اشرف باهي له دور اساسي و فعال في تعليمي جميع سبل الصيد و اكن له وافر الاحترام و التقدير في مجهوده العظيم معايا .....
تقبلوا تحياتي
__________________
محاسب قانوني و خبير ضرائب
"إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ "
اشهد ان لا إله إلا الله و ان محمد رسول الله
|