اقتباس:
المشاركة الأصلية كتبت بواسطة bodygard 34
صباح الفل يا جنرال.. لا اللى معايا 9 قصير .. وعندى ليك سؤال: سوستتها جامده وانا بشد الاجزاء.. ده عيب؟؟؟ وهل يمكن تركيب سوسته احن شويه؟
|
انا فعلا دلوقتى عندى الدنيا صبح , عرفت منين
كل التانارمى كده ودى ميزة مش عيب ,و عموما السوستة الجامدة تخلى ارتداده حنين
و شوف طبنجتك انتاج سنة كام و سوستتها لسة جامدة زى ما هى , ده اكبر دليل على الجودة العالية
اى طبنجة لازم يبقى فيها نسبة و تناسب بين اجزاءها و السوست اللى فيها و اللعب فيهم غلط و يأثر على العمر الافتراضى بتاع الطبنجة
و الطبنجة اللى معاك دى يا حاج احسن من البريتا اللى كانت بتنزل ايامها
بس شركة تانفوليو اساسها انتاج يستهدف العامة من المدنيين مش انتاج غزير للجيوش , طبعا باستثناء ان الشرطة الامريكية كانت بتعتمد عليها فى الثمانينات
و فى موديل اسمه ويتنيس كل الشركات قلدته و خدت الاسم منهم و عملت موديلات بنفس الاسم , تانفوليو شركة رائدة فى التكنولوجيا الميكانيكية
للاسف منتجات تانفوليو غير معروفة للعامة و معروفة و محبوبة جدا للعسكريين العواجيز و المتخصصين فى السلاح , معلش يا حج معهمش فلوس يعملوا تسويق بالاعلانات زى بريتا
و اعتقد ان الاتنين دلوقتى شركة واحدة من تحت لتحت
*انقع سوستة الارتداد شوية فى حامض او فضى شوية wd40 فى علبة بلاستيك و سيب السوستة منقوعة فيها نص يوم كده , بعد كده لف عليها بحتة قماش ناعمة عشان تنشفها , و ركبها و قلى رأيك ايه , ونقطتين زيت و هو متركب على الفارق اللى بين الاجزاء و الشاسيه (الفرق ده جنب الشاكوش بتاع الطبنجة على الجنبين و يتنقطله زيت من الحته دى)