[ĴΘĶЄЯ]

هههههههههههههههههههههههههههه وربنا مواقف زى العسل

خد دى بقى .......

انا بقالى فى الجيم حوالى 6 سنين واخدها من صغرى هواية يعنى
من اقل من سنتين كنت بتمرن فى امان الله ودخل عليا واحد ميت خاااااالص
عينه مبرأة وجسمه ضعيف جدا جدا ولابس فنلة حملات وبنطلون ترنج ههههههههه
جاى كدة من برة !! المهم دخل ساب الناس كلها ووقف ادامى يبرأ
وراح مد ايده وسلم عليا ايه الرعب ده
رحت سلمت عليه وانا مقلق اوى وكان شكله مضيع وشارب حاجة
دخل صاحبنا ده وكان الجيم فيه ناس كتير واجسام وكل واحد عامل ارنولد
دخل الراجل ده وساب الحديد كله وراح على اضخم واحد ماسك بار بيلعب بيه
وهوبا راح ساحب البار من ايده شال منه الحديد ولعب
والراجل الضخم ده مفتحش بوقه بنص كلمة وده الى ادهشنى
راح الراجل الميت ده رفع البار ونزله تانى ووقف يستعرض ادام المرايا
وبعدين راح طالع وبرضو ساب الناس كلها ومد لى ايده وسلم عليا
المشكلة ان كان معايا واحد صاحبى ده كان بعيد شوية عنى
وشايف منظر الراجل ده ومنظرى وفطسان من الضحك جوة
الحكاية دى كلها يا جماعة مفيش حاجة ضحكتنى فيها الا حاجة واحدة
استغربنا كلنا ازاى واحد زى ده يدخل الجيم والكابتن مش كلمه
اتارى الكابتن شافه داخل استخبى فى اوضته ولما خرج طلع ال يعنى كان فى الساونا
هههههههههههههههههههههههههه



وفى موقف تانى كنت بالعب برضو ودخل لى واحد هيكل عضم
كان عنده 30 سنة وبصراحة الموقف ده مش بيعمل حاجة غير انه بيحزنى
كان اسمه احمد دخل لعب معايا تمرينه ومكنش قادر يروح ميت ميت
المهم اخدنا على بعض وكدة وكنت بحاول اساعده فجه قالى على الخبر المؤلم
قالى ان بعد اسبوع هيكون فرحه واهل العروسة بتتريق عليه علشان رفيع
وعايز فى خلال اسبوع يطلع رونى كولمان !!!!!! ده فى اسبوع
يعنى مش تخين ويخس لا ده رفيع وعايز يضخم
مرت الايام وخلص وقته فى الجيم وعدى اسبوع واتنين وقابلته فى الشارع
كان الراجل شكله مضيع مضيع مضيع مضيع صاحبى قاله عملت ايه
حط الراجل راسه فى الارض وبعدين قعد يضحك وقالنا راح يقيس البدلة
يدوب لبسها واختفى فيها وكان يوم فرحه نكتة لان العروسة اضخم منه
والباقى يتفهم مش يتحكى بقى ههههههههههههههههه

القصة محذوف منها حاجات لمراعاة مشاعر الاخرين :p