[moataz mohamed]

هى بندقية المعادى تمام وميه ميه بس نقصها الفنش الاخير يعنى حاجات هايفة لكن البندقية ككل جميله عشان بتتصنع فى مصانع القوات المسلحة المصرية المهم انا لما جبت البندقية لقيت الزناد بيفلت التعميرة بعد ما هلكتها شغل رحت رايح لخراط وشفت الحته اللى اتكلت و زودت عليها صلب وخلتها اطول ب نصف سنتيمتر وبعد كدة لقيت السوسته بتاعت الزناد ملهاش مكان يثبتها على الجسم فمكنتش بتدفع الزناد بكل عزمها عشان هى مش ثابته على حاجة اساسا رحت جايب الشنيور وجبت بنطة حدادى 4ملي وخرمت جسم البندقية من ورا الزناد مكان ما السوستة بتاعت الزناد بتريح ورحت جايب مسمار سن صاج على قد الخرم اللى خرمته وراء الزناد بحيث ان المسمار يبقى بارز عن جسم البندقية حوالى نصف سنتيمتر بحيث انو يبقى دليلى يخلى السوسته بتاعت الزناد متهربش منة وتفضل ثابتة فى مكانها واهم حاجة تغير السوستة بتاعت الزناد وتجيب سوسته اقوى منها تكون اطول شوية وتديك قوة مضاعفة كدة خلاص مشكلة الزناد اتحلت وانسى ان البندقية تفلت تانى وبالنسبة للقوة بتاعت البندقية انا جبتلها سوست نوريكا اسبانى بس لقتها قوية يوم وبعد كدة ضعفت تانى فرحت رجعتلها السوسته بتعتها الاصلية اللى كانت فيها بس شدتها شوية وبعد كدة رحت قاطع من السوسته النوريكا حولى 3 لفات كدة ورحت حطتها خلف السوسته بتاعت المعادى الاصلية وادتنى قوة اضل من سوسته النوريكا عشان سوسته النوريكا مخصص لجسم النوريكا بحيث لو قصيت منها كام حلقة عشان تحطها فى المعادى الحسابات بتختلف يعنى مرونة السوسته هتختلف لما تقصرها وكمان قوتها انا جربتها ولقيت سوست المعادى اللى بتيجى بيها هى اللى مناسبة بس بعد شدها وتزويدها ب3 لفات من اى سوسته تانية وبعد كدة رحت مغير جلدة البستم اللى بيدفع الهواء وغيرت الجلدة اللى فى الماسورة عشان ميبقاش فى اى تسريب عشان لو السوسته قوية وفى تسريب هواء هتحس انها ضعيفة بس هو التسريب بيخلى الرشة متخدش قوة الدفع كاملة فتغير الجد لما تحس انه اتاكل وعلى فكرة الكلام اللى بقولة دة عن تجربة واعدت 5 شهور عشان اوصل للنتيجة دى واتمنى ان الفكرة تكون عجبتكم