[الرحاله]

شوف يا عمنا / كريم الواقعة صحيحة لكن الصورة دى اشك انها حصلت بالطريقة دى وايامها كانت صورة الراجل ده ( ابو العربى ) على ما انا فاكر انه اتمنع من الوصول الى مبارك وحجزة الامن وحاوطوه وطبعا ما حدش عرف عنه حاجة بعد كده ( متنساش انى من دمياط ) يعنى قريب اوى من الحدث .. بس هاقول لك حاجة الواقعة دى حصلت مع الله يرحمه السادات وساعتها الامن حاول يمنع الراجل اللى كان بيجرى ورا العربية فما كان من السادات الا انه ازاح ايدى الامن واخد الورقة اللى كانت مع الراجل وحطها فى جيبه ( وشوف على النت اكتب السادات فى اليوتيوب ودور كده على منظر السيارة بتاعت الرئيس وحولها الناس هتلاقى الكلام اللى باقوله لك بالتفاصيل دى ) حتى كان فيه تعليق على الفيديو ان كيف تعامل كل من مبارك والسادات مع نفس الموقف ..
ما اطولش عليك قصدى من الكلام ان مبارك حتى لم يكلف نفسةبان يمد يده لمواطن محتاجة ولا يعرف هو عاوز منه ايه ناهيك على اللى حصل للراجل والبلد اللى هو منها كلها .. وطبعا كلنا عارفين الموقف بتاع سيدنا عمر بن الخطاب اللى قال له فيه الراعى ( عدلت فامنت فنمت يا عمر ) وطبعا مش عاوزة شرح والقصد مفهوم ... معلش طولت عليك بس عشان انت غالى عندى ... تحياتى