[777]

المشاركة الأصلية كتبت بواسطة Colt.Maker

السلام عليكم
متشكر جدا يا جماعة على الاستقبال الجميل ده
بصراحة مكنتش متوقع كدة، كان سهل جدا اني اقول العكس، يعني اقول ان المحل مجرب اثنين صوت، وانا مجرب اثنين بلي، مع العلم ان التجربة يا جماعة كانت في محل في منطقة شعبية قريبة من شغلي، وهو ده اللي خلاني اشتري منه البلي واشتري منه المسدس، والراجل علشان يخلص وبكل بساطة، زي ما بيجرب اي مسدس جديد، ركب الطبة بإيده وقال هنجرب بالبلي علشان تشوف ان الطبنجة بترمي الفارغ في البلي وعلشان انا اطمن، وبكل بساطة برضه، عمر الخزنة بطلقتين بلي وضربهم في الهوا قدامي، انا مش شايف ان في كدة مشكلة خالص، ولو عايزين المحل فين، ممكن ابعت اسمه على الخاص لأي حد، علشان بس الراجل ميحصلهوش أذى بسببي، من غير تعقيدات ومن غير ما واحد ياخد باله والتاني يبقى معاه على الخط، والثالث يعديها، الموضوع والله ابسط من كدة بكتير، وبعدين اول مشاركة ليا معاكوا تكذبوني علطول كدة، على العموم خلينا في الفرات احسن.
بالنسبة للسعر للأخوة الأعضاء اللي سألوا على السعر، انا كنت مشتريها من حوالي شهر 1550، وزي ما قلت بعلبتها مضربتش إلا 4 طلقات فقط، حددوا انتوا السعر وربنا يوسع علينا وعليكوا.
متشكر جدا على الاهتمام، ومش عايز اي عضو يعتبر كلامي ده تهكم على أعضاء المنتدى، ولو كان في حاجة غلط في كلامي فأنا آسف جدا.
السلام عليكم

إنت إنسان محترم