[المستشار]

مع احترامى لارائكم المحترمه اولا الصيد ببنادق ضغط الهواء له متعه ثانيه خالص لما حضرتك تضرب هدف على بعد 60 متر برشه متناهيه الصغر ولا يبقى لك الا فرصه واحده لكى تنال من الطريده غير الخرطوش اللى بيطلع عشرات الرشات وغير الرصاص ولكن فى النهايه طريقه الصيد ومنهج الصياد لا يختلف وانا بحاول افسره كالاتى :
اختيار نوع الصيد وده يشمل الوقت والمكان
استراتيجيه الصيد وده بيشمل موقعك من الطريده والمسافه المحددده التى ستضرب منة عندها وزوايا الرؤيا
الكماين والتربات وبتشمل الترصد وعمل الكماين بانواعها والصبر ثم الضرب
واخيرا تعاون جماعه الصيادين واختيارهم الاماكن المناسبه وترتيب اطلاق الطلقات
والاهم من كل ده روح القنص والصيد التى يتمتع بها الصياد ولا تختلف بنوعيه السلاح المستخدم

وبالنسبه للموضع الاخر فانا على علاقه وطيده بجل من الصيادين والاخوه العرب وهما بيحترمونا جدا وعارفين قدر الصياد المصرى لانه بتعدد الطرائد والضحايا اصبح صياد مخضرم ومشهور على مستوى العالم ونحن نبادلهم هذا الاحترام فلا ينبغى ان نتطاول عليهم باى كلام زى المكتوب عشان محدش يطاول علينا ولا نفقد الرياده والمصداقيه وبالنسبه للمحميات سالفه الذكر والحديث انا بتسائل ايه اهميه الحيوانات داخل المحميه اذا لم تكن يصرح بصيدها ولكن بتقنين معين يعنى لو عندنا الف غزاله فى الصحراء ايه اللى هيعود على النفع على ام ذكى بتاعه الجرير او السيد رئيس المدينه الفلانيه ولكن اذا تم التقنين واستثمار هذه النوعيه من الطرائد اكيد طبعا هيعود النفع على من ذكرت وسياحه الصيد معروفه بدخلها الكبير فى بعض بلدان افريقيا ومن ناحيه اخرى لا يهم الصياد فى المقام الاول نوع الطريده بقدر شغفه بممارسه الصيد يعنى الغزال زى اليمام المهم انه يقتنص والضب زى التعلب وارجو ان ينصب الحديث على الصيد واسلحته وعدم التطرق لاى مواضيع اخرى لان هذا هو هدف المنتدى ونحن لا ننكر انه يوجد فساد فى شتى المجالات وعلى جميع المستوى وهذا ما اكده رئيس الجمهوريه بتاكيده على محاربه الفساد فى جميع اماكنه ولكن فيه منتديات كتير بتتناول الاحداث السياسيه ولكن هذا المنتدى ليس منهم وانا عجبنى جدا الموضوع بتاع الغربان اللى حضرتك قمت باعداده وياريت تسعدنا بمثل هذه المواضيع الجميله القيمه ودى وجه نظر قد تكون صحيحه وقد تحتمل الخطأ وانا لى سعه صدر اتقبل جميع الاراء بصدر رحب واتمنى لكم جميعا مزيد من الاستمتاع بهوايه الصيد واقتناء اسلحته كى نهذب انفسنا ونشذب ارواحنا ولسيادتكم ارق تحياتى واطيب امنياتى