رد: حد جرب مسدس رش جامو af-10 فى الصيد ؟؟؟؟
السلام عليكم ورحمة الله وبركاته
أنا اشتريت المسدس ده من كام شهر وهو ممكن يستخدم الرش العادى لكن رشة واحدة بتتحط يدوى أو بلى مقاس 4.5 وبيتحط فى خزنة تاخد 10 بليات لكن برضه لازم تعيد كبس ضغط الهوا قبل ما تضرب كل بلية
وجربته التنشين بيه وهو دقيق لحد كبير وممكن يخرم علبة الكانز من الناحيتين
أما بالنسبة للصيد فجربته مرة واحدة على يمامة وكانت قريبة لحد كبير ونزلت مقفولة زى ما بيقولوا
وهو اختيار جيد وعملى لانه مش محتاج انابيب ثانى اكسيد كربون
كان عندى قبله الفاترو اللى بياخد انبوبتين لكن رجعته لانى حسيت انه ضعيف وقوة الانبوبتين مع بعض مش عاملين تاثير يعنى كانهم انبوبة واحدة ويا دوب ممكن تستخدمهم فى 30 رشة اما بعد كده بيكون الاداء ضعيف جدا
تقبل مروري
|