[Youssef]

المشاركة الأصلية كتبت بواسطة محمد حافظ

ألنهاردة كنا عاملين خطة فى ألخباثة لطلعة سرية سيادة ألمستشار محمد عبد ألرازق و أنا
ألمهم أتقبلنا صلينا ألفجر و خرجنا قال أيه فى سرية تامة و صلنا بألسلامة و هناك كانت ألمفاجأة ألرهيبة ألعمدة واقف فى نص ألطريق بيضرب و معاه نجم ألرماية ألمصرية ألكابتن شريف صفى ألدين صباح ألفل يا معالى ألعمدة أنت هنا منور ألمكان يا كبير
و على طول دخل على ألخط سيادة ألمستشار ببندقيته ألآيركينج و هاتك يا ضرب شوية و ألمفاجأة ألثانية محمد بك عز و عمرو بك ألبهى فى عربيتهم داخلين علينا ألله كده ألكتيبة مش ناقصها ألا ألعملاقين أسامة بك فتحى و محمد باشا لبيب ألمهم سلامات و أحضان و كده برضه عملنا أستدعاء سريع للعضوين أللى ناقصين من ألكتيبة محمد بك لبيب قال ايه ده أنا جاى لكم هوا
لكن و للأسف غاب عنا ألمخضرم أسامة فتحى لظروف مرض والدته شفاها ألله و عافاها و بعدها كل أتنين فى عربية صراع بين ألديانا و ألجامو و ألبى اس أيه و ألنوركا و بندقيتى الغلبانة ألبام 22 و ألمنطقة أتغربلت بسم ألله ما شاء ألله ألسما و احنا مروحين بقت فاضية على ألزيرو و شهدت الطلعة لآول مرة أستخدام مسدسات ألرش ألجامو و ألويبلى مع ألكبار قوى محمد بك عز و محمد بك لبيب و كانت هايلة فى ألمسافات ألقريبة و ألضرب من داخل ألسيارات و كمأ جرت ألعادة أتقابلنا عشان نحصى أعداد الضحايا فى ألآخر و ألعمده كالمعتاد هو أللى غلب طبعاً ماهو عمدة بقى و ألحمام بيشوفه بيتخض و يربط مكانه
و أتباعاً لتقاليدنا أختتمنا ألطلعة أللى كانت سرية بمسابقة للرماية
و ألهدف أيه ...... فلتر سيجارة ألعمدة ألروثمان فى وضع أفقى على بعد 25 متر و ألله شفت ضربات ما كنت أتخيلها و لو أتحكيتلى هأقول ده نخع من ألنوع ألقديم قوى بس دول ألعمالقة عمدة صيادين مصر جلال خليفة و سيادة ألمستشار محمد عبد ألرازق و ألمدير ألكابتن محمد لبيب و رئيس ألتحرير محمد بك عز و ألرماة عمرو بك ألبهى و شريف بك صفى ألدين من نخبة هواة
ألصيد فى مصر
و أسيبكم مع ألصور

و لنا لقاء فى طلعات أخرى

ربنا يجمعكوا دائماً على الخير
بص فى الصورة الأولى كويس اتخيل ان جلال بيه بيقول انا العمده مفيش حاجه تحصل من ورايا (بما انك قلت ان الطلعه كانت فى الخباثه يا باشمهندس محمد)