[amhamed]

المسدسات الرش : سواء كانت يدوي التعمير او بالغاز بتديها الرش واحره واحده مش بيتحط في الخزينه الي بيتحط في الخزينه هو البلي وضرب البلي في التصويب ادق من الرش ولكن الاتنين مش بالقوة الي حضراتكم متخيلينها (مقارنة بالبندقية) لكن هي وسيله معقوله احسن من مافيش ويعيبها عدم وجود صوت للردع مثل مسدسات الصوت ولكن مميزاتها ان سعر الانبوب والرش قليل ويمكن استخدامها في تعليم النيشان (ومانصحش انها تتضرب داخل المنزل خالص لان الرش والبلي بيخبط في الهدف ويرد ناحيتك وممكن يعورك)

الفنون القتاليه : صعب الواحد يبتديها علي كبر ولو ماتكسفش وابتدا مش هايوصل للي بيتمناه هي طبعا مهمه كرياضه وللحفاظ علي الصحة بس مش هاتخليه يضرب ٤ ولا حتي ٢ لو هو من الاول مالوش في الخناق (انا كنت بالعب كونج فو وكنت في المنتخب كمان تعال شوفني دلوقتي كرش ولغد وبانهج وانا بافكر)

المطواه او السكينه: برضه مفيده بس عاوزه تكون في وضع اشتباك وبتعرف تستعملها وماتتاخدش منك او تقع

في كل ما سبق لازم تكون بتعرف تقدر قوة خصمك يعني لو واحد معاه مسدس حي ومش متعود يضرب بيه والي قدامه معاه مسدس او آلي يبقي مش مفضل انك تضرب عليه الا في حالة ياروح ما بعدك روح وحالات الدفاع عن الشرف مثلا

لو الي قدامك معاه مطواه وهو بعيد عنك وانت بتعرف تنشن كويس بمسدس الرش يبقي استعمله

لو عكست بقي معاك مطواه قدام آلي سيبه يسرقك (فكر بسرعه عربيتك ولا حياتك ؟؟ انت واختيارك) احسن وممكن تفكر لما يقرب منك وينزل السلاح علشان يسرق (لو لوحده) انك تضربه ضربه واحدة قاتله

وعلي فكره الذكاء في التعامل مع الموقف ممكن يخليك تكسب المواجهه حتي لو مامعاكش سلاح او لو المواجهه مش متكافئه عدديا او من حيث نوع السلاح وربنا يلطف علي الجميع