السلام عليكم ورحمة الله وبركاته
الحمد لله اشتريت من اسبوع بالظبط بمعرفة اخ عزيز عليا وهو الاخ عبد الرحمن مسدس اير سوف جلوك من بينو الزمالك وسعره 250 + علبة خرز 1000 الاجمالي = 275 جنيه
دي صور المسدس
السرعة والقوة :
سرعته 260 /قدم في الثانية يعني ما يعادل 79.25 / متر متر ثانية والقوة ماجربتوش على حد ههههه :d لكن جربته على كرتونة سمكها حوالي 2 مم خرمها من مترين الى 3 متر مع ان الخرزة خفيف 0.1 جرام ولو فيه خرزة اتقل اكيد هيبقى تأثيرها اعلى بكتير
المكونات الخارجية والداخلية:
الاجزاء الخارجية بلاستيك جامد لكن الوزن تقريبا واحد زي الجلوك الحي وكاتبين على الكرتونة التقريب 1:1 والسر انهم حاطين في الخزنة قطعة صلبة مش حديد فمتقلاها وحاطين في كعب المسدس قطعة تانية مع اني حطيت عليها مغناطيس ما مسكش فوار تكون انتمونيا.
اما الاجزاء الداخلية فالماسورة برضوا مش حديد وواضح من الصورة وحطيت عليها مغناطيس ما مسكش وسالت بعض الاخوة قالولي انتمونيا.
الدقة:
الاختبار الحقيقي اللي كررته كان من 4.5 متر بالظبط النشان تمام جداً وهجربه من مسافة اكبر باذن الله واقولكم النتيجة.
الإنطباع الشخصي :
المسدس كإنطباع شخصي أنا شايف انه صورة طبق الاصل من المسدس الحي الجلوك 17 لان الجلوك ال 17 فيه اجزاء مش حديد وأقصد الشاسيه الخارجي لانه زي ما انتم عارفين مصنوع من مواد مخلطة صلابتها أصلب من الحديد, والوزن تقيل زي الحي مع اني ما مسكتوش, وكمان الزناد زي زناد الجلوك عبارة عن زناد داخله زناد اخر وعلشان تضرب لازم تضغط على الاثنين من المنتصف.
وتأكيد لكلامي
شوفوا الصورتين
دي صورة مسدسي
ودي صورة مسدس حي 9 مم
ويارب اكون افدتكم وربنا يبارك فيكم.
اخوكم حسام