[amhamed]

طلعت بيه النهارده الصيد بصو هو مش وحش ومش حلو هو مداه المؤثر قليل ٣-٤ متر ريشت بيه اكتر من يمامه وفي المسافات الاكتر من كده الحمامه كانت بتاخد الرشة علي صدرها زي بتوع الكوره بالظبط كان ناقص تقوللي اضرب تاني والنبي علشان بتزغزغني طبعا ماوقعش ولا يمامه لكن ريش (بتشديد الياء) كتير لكن هو في النيشان ممتاز وهذا للامانه وبرضه علشان ماحدش يفهمني غلط هو بيضرب علي اهداف ١٠ و١٥ متر وبيصيبهم بدقه (باسمع الخبطه بتاعته علي الخشب او صاج دش قديم لكن مش بيخرمه) ومش عارف بيوجع لو جه في حد ولا لأ بس الاكيد مش بيوقع صيد من بعيد ممكن لو جه في عين بني ادم يأذيها جامد (للناس الي بتدور علي مسدسات رش للدفاع عن النفس) لكن لو جه في هدومه او عضم هايوجع بس

مش عارف بقي هل فيه طريقة لذيادة قوته مثل تغيير السوسته او خلافه ومن ناحية الكبس علشان انا عارف ان ناس هاتقول فيه تنفيس في الكبس او كده فده مش صحيح لان كبسه لو منفس كان قفل التعميره بسهوله لكن هو شديد جدا وعاوز راجل صح يكون مولود في الجيم علشان يقفله