السلام عليكم و رحمة الله و بركاته
الطلعة دى كانت أمس الجمعة 2-3-2012
كنّا فى منطقة بعيدة عن القاهرة و الطقس كان سىء جدا , رياح باردة شديدة تهدأ أحياناً و أمطار غزيرة بدأت بعد الظهر و استمرت على فترات متقطعة , ولكننا لم ننسحب , و أصررنا على اكمال اليوم و مواجهة كل الظروف الصعبة من أجل الهواية الجميلة
والنتيجة إنى باكتب الموضوع ده دلوقتى من على السرير بعد ما أصبت بنزلة برد
من أهم فوائد هذه الطلعة اننا اتعلمنا ازاى نقدّر اتجاه الريح و نعمل حسابه فى الضرب (يعنى كنّا بنضرب جنب الهدف مش عليه بالضبط) و الحمد لله اتوفقنا لإصابات كثيرة بالطريقة دى
وكانت تجربة جميلة جداً (بس أوعدكم مش هاتتكرر تانى , ههههه)
من فوائد الطلعة أيضاً إننا اكتشفنا طريقة جديدة لصيد اليمام بالسنّارة هاتشوفوها فى الفيديو مع محمد وفيق
(طبعاً بهزر , دى يمامة أخدت رشّاية بروماجنوم من الديانا350 بتاعت محمد و نامت مكانها ماحطتش منطَق , و كنّا عاملين حسابنا و شايلين معانا السنّارة فى العربية علشان نجيب بيها الحاجة اللى تقع بعيد , لأننا اتعرّضنا للموقف ده قبل كدة)
أسيبكم مع الفيديو و الصور , وأمشى علشان ميعاد المضاد الحيوى
------------------------------------------------------------
------------------------------------------------------------