[قناص المنوفيه]

مساء الفل على احلى صيادين فى مصر وصاحبى اجمل هوايه فى الدنيا

انهارده لقيت الجو حلو ومعنديش شغل قلت انزل الصبح الساعه 7 ساعتين ع الماشى

الطلعه كانت ممتعه ومعظم اليمام نزل مقفول مشاء الله انا لازم ابخر نشان البندقيه

بس انا ملاحظ حاجه غريبه ان اليمام قل فى الارياف وكتر فى المدن متخفوش انا بقر مش بحسد

وبجد دى ملحوظه بقت حقيقيه مع انه المفروض العكس ان اليمام بدأ يفضل البيوت والمبانى والبيوت

القديمه عن الشجر وشفت انهارده وزه لونها اسود ومنقارها برتقانى ضخمه طايره لوحدها فى ارتفاع كبير

فضلت مراقبها انها تنزل ولا حاجه بس للاسف طارت لحد ما اختفت تقريبا تايهه من سرب و كنت

عايز اسأل اهل الخبره هى دى وز عراقى ولا ايه ؟؟

المهم فى النهايه الحصيله كانت تسع يمامات ده غير اللى راح ومعرفتش اجيبه ده رزق الكلاب

والقطط بقى ..