اقتباس:
المشاركة الأصلية كتبت بواسطة ramy100
يابشا فى ناس قالت ليا ان الديانا 52 سوستتها تنفع على الكرال ممكن الافادة
|
يا أستاذ رامى , من ناحية انها تركب على الكرال ؟ أيوة تركب
انما تنفع على الكرال ؟ لأ ماتنفعش
إزاى يعنى ؟
سوستة الديانا ممكن تركب على الكرال , انما مش هاتنفع لأن صناعة هذه البنادق تكون بمعايير و مقاييس متناسبة مع بعض , يعنى قوة الماسورة لازم تكون متناسبة مع قوة السوستة , و مجموعة الزناد كذلك
حضرتك لما تحط سوستة أقوى من السوستة اللى مصممة عليها البندقية , فإنت كدة بتحط حمل زيادة على الماسوة , طبعاً الماسورة هاتستحمل فى الأول , ولكن مع تكرار التعمير بهذا الحمل الزائد هاتبقى معرض ان الماسورة تتكسر فى أى وقت أو على الأقل تتعِوِج
ونفس الموضوع بالنسبة لمجموهة الزناد اللى ممكن تتدمر فى اى وقت بسبب قوة ضغط السوستة عليها
ولا تنسى ان البندقية وزنها خفيف و يادوب بتثبت معاك بالسوستة بتاعتها , فلما تركبلها سوستة ديانا , رد فعل السوستة الشديد هايخلّى البندقية مش ثابتة فى ايدك على خفة وزنها
أحسن حاجة انك تركّب السوستة بتاعت البندقية لأنها بتكون متناسبة مع باقى أجزاء البندقية فى منظومة متكاملة , ولا تنخدع بوهم القوة فى بنادق الرش لأن عن تجربة , أفضل سرعة لبنادق الصيد هى 220 متر فى الثانية