[وليد سعد زغلول]

[size="4"]السلام عليكم ورحمة الله وبركاته
طلعنا النهاردة طلعة جميلة أنا ومحمود صاحبي وبفضل الله الكرال كانت مظبوطة زي العروسة لما يسمعوها أحسن زغروطة وكنت مظبط النيشان زي ما الأخوة في المنتدى ربنا يكرمهم نصحو بتثبيته بلاصق على مسمار التثبيت وكانت أول رشاية اضربها على يمامة واقفة على إيريال في الدور السادس ووقعت مقفولة زي الطوبة بفضل الله تعالى وكانت حافزًا مبشرًا وبعد كده اليمام برده كان بيقع زي الطوب.
وكان يوم جميل بفضل الله ومشينا في شوارع جميلة وشجر ألوانه رائعة وضربت يمامة جت في جناحها وطارت على ارتفاع منخفض ونط محمود ومسكها في الهواء وضحكنا أوي وقعدنا نقول حضريييييي حضرييييي وفكرنا بعصام الحضري لما يمسك الكرة وكانت جميلة قوي ومشينا في أماكن جميلة واصطدنا بفضل الله تعالى 21 يمامة وحمامتين بري وبلبل وحوالي 3 يمامات وقعوا في فيلل ومعرفناش نجبهم.
وأتركم مع الصور ودمتم في أمان الله[/size]