السلام عليكم و رحمة الله و بركاته
من المعلوم ان البطلجيه اليومين دول منتشرين جدا
معلش هي المقدمه طويله حبتين
فكرت النهارده و قولت طيب ليه منشتركش كلنا في عمل اسلحه تكون سهله الاستخدام و عمليه و في نفس الوقت متكونش ممنوعه او حتي عليها خلاف زي مسدسات الصوت فممكن الضابط بردو يتلكك و يعمل بيها قضيه ارهاب المواطنين او انتحال شخصيه رجل امن
المطلوب : كل واحد يفكر في فكره نعمل بيها حاجات بسيطه و تكون فعاله في الدفاع عن النفس و في نفس الوقت ميكونش عليها جدال في الموقف القانوني السليم
ممكن تقديم افكار حتي لو معروفه للبعض و لكن لتعم الفائده
ارجو من الاعضاء الكرام المحاوله و المشاركه .....
ياعم انت بتلك ياما
.... انت عملت حاجه !!!
الحقيقه انا معملتش ابتكار و لكن دي حاجه معروفه للجميع و معتقدش انها ممكن توقع الانسان في مشاكل و في نفس الوقت سهله العمل
سلاح اللجان الشعبيه الاول الشومه المصريه
مميزاتها : 1 رخيص جدا تكلفتها حوالي 10 جنيه او اقل
2 ممكن تكون في العربيه او البيت و مفيش خلاف قانوني عليها
عيوبها : العيب الوحيد صعوبه حملها في الشارع .. يعني اللي حيشوفك شايلها حيقول عليك بلطجي و من حق الشرطه في الحاله دي ضبطك و تحريز السلاح
طريقه عملها : تروح عند اي واحد بتاع مواد بناء و تشتري ايد فاسه دي بتعمل حوالي 5 جنيه .. و بعدين تشيل الجزء المخروطي الصغير اللي في نهايتها بالمنشار و تجيب لفتين شكرتون و تلفهم عليها بالراحه مفيش حد بيجري وراك علشان ميطلعش شكلها وحش و مكعبله و حتلاقي ليها راس ضخمه حبه من فوق دي بقا حتجيبلها 4 علب دبابيس صبوره صغيره و تكبسها عليها و ممكن تدقها بالشاكوش بس بالراحه بردو علشان متتناش و كده يا باشا عملت شومه جامده و رخيصه و ممكن تشيلها في العربيه علشان الحاجات البسيطه اما لو ألي فنصحتي ليك سلم نفسك و متحملنيش ذنبك هههههههههههههههه ربنا يحمينا و يحميكو و حرفعلكو صوره المدمره اللي بتبقي جنب سريري عالطول .....
ارجو الموضوع يعجبكم و يكون في اقبال وابتكار من الاعضاء الكرام ... والحامي هو الله
