اقتباس:
المشاركة الأصلية كتبت بواسطة عادل عبده
ياحبيبى اولا انا مش ضد الاسكو اللى معاك لانى اول ما بدأت برضه بدأت بيه
انا بس ضد الفتى وعاوز اوضح للناس معلومات مش اكتر
انا بس اللى عاوزك تعمله انك تظبط الزوم على حاجه واحده ومتغيروش
عشان ضربك يبقى مظبوط
وخلى بالك بندقيتك تعد من البنادق الخفيفه
وبالتوفيق دائما ان شاء الله
تحياتى
|
بص اختلاف الرأى لا يفسد للود قضيه
بس مش معنى كده ان حضرتك تقول عليا بفتى فين الافتاء ده !!!
انا بقوله يستخدم ليزر لظبط الاسكوب اومال هو لزمته ايه وعملوه مش عشان الظبط برضه
ده حتى اسمه ليزر لظبط الاسكوب
تانى حاجه مكتوب فى المانوال بتاع الاسكوب بتاعى وكمان فيه فيديو لظبط الاسكوب بيقول
لو الاسكوب فيه زووم لازم تظبطه على اعلى قوه تكبير وبالشكل ده اى قوه تكبير أقل هتبقى
مظبوطه يعنى بتاعى لو ظبطه على 7 معنى كده انه هيبقى مظبوط على 6 و5و4و3
وبعدين كمان انا بقول البندقيه تقيله اقصد بالنسبالى ممكن حد تانى يحسها خفيفه
ده وزنها 3 كيلو اقوم اجبلها سكوب كبير وهى وزنها تاعبنى اصلا وفيه بنادق كتيره وزنها اخف
ساعتها الاسكوب الكبير ينفع يعنى هى نسبه وتناسب بالنسبالى
وطبعا انا مقصدش ازعلك بردى ده وده ما يمنعش اننا بنستفاد من خبرتك وتجاربك...