[فوزى السيد]

السلام عليكم انا بقا هحكيلكم غلاسة كدة من غير ما حد يقولى هههههههههههه بس انا بدئت المشوار بدرى جدا ومن غير بنادق كنت الاول حريف صيد بالفخوخ وعارف كل طير بيقع باية عندك مثلا الدئا نيش كنت بحطلها فى الفخ فحار او خنفسة الرمال العصا فير الرزى كنت بحتلها دودة الارض الصفرا ام رجلين دى ابو فصادة كنت بحطلو ملكات النمل اللى هى بجنحة اليمام فول ودرة وكنت بصتاد كل الاصناف دى بالفخوخ وبعد كدة عملت نبلة وبقيت انصب الفخوخ والف اضرب بالنبلة كان فى الايام دى والدى الله يرحمة مسافر ليبيا سنة 1987 وجة فى نفس السنة ومعاة اول بندقية مسكتها فى حياتى كانت ليون براند صينى بعتلة نمرة 2 وكانت شديدة جدا وتقيلة طبعا هو اصلا كان غاوى صيد بحرى وبرى كلة شغال والدتى بقا قالتة الولد بيهرب من المدرسة ويروح يصتاد عصافير وكانت علقة محترمة مش لانى بصتاد لاء طبعا لانى بهرب من المدرسة بس دى كانت اجمل علقة فى حياتى لانة بعدها صالحنى برحلة صيد انا وهو وواحد صحبة كانت الرحلة دى بالخرطوش على ساحل البحر كانو بيضربو بلبول وطلعت من نصيبى البندقية الصينى بقيت واخدها وهات يالف بين البوص والنخل مكنتش لسة بعرف انشن اد كدة وكمان كانت البندقية تقيلة عليا لانها حوالى 5 كيلو بس وعليها ادمنت الصيد وكان والدى ديما ياخدنى انا معاة بالذات لانى انا الوحيد فى اخواتى اللى كنت هاوى الموضوع وبهرب من المدرسة عشانة فبداء يخدنى معاة كل جمعة بشرط انى طبعا اروح المدرسة وما اهربش تانى وكان الاتفاق على كدة فى الفترة دى كنت فى تانية اعدادى وبداء يعلمنى النشان وازاى اثبت البندقية وما اهزش ايدى وكدة لحد ما اتقنت اللعبة وفضلت البندقية دى موجودة لحد ما رشاية طلعت منها غصب عنى جات فى رجل واحد راح والدى مخبيها وبعد كدة باعها رجعت تانى لنشاطى القديم لحد ما جابلى رمسيس بعد ما نجحت فى الاعدادية وبرضة رشاية طلعت من اخويا بس المرة دى جات فيا انا واتباعت تانى البندقية وفضلت من غير بندقية فترة طويلة لحد ما خلصت الخدمة العسكرية وطلعت فى دماغى انى اجيب انا واحدة بقا فى الظروف دى كان والدى توفاة الله وفعلا اشتريت اول بندقية فى حياتى ملكى انا طبعا بعد شغل وتحويش وكدة يعنى وجبت بندقية سلافيا 630 وهى دى فعلا اللى حببتنى فى الصيد بعد كدة ظهرت السلافيا 631 جبتها وبعت التانية وفضلت معايا سنين ولسة معايا لحد الان وبحالتها وجبت عليها جامو رويال نمرة 2 من قريب ولازم اطلع كل اسبوع مرة او مرتين على الاقل والاسبوع اللى ما اتطلعشل فية بسبب الجو او عندى اى ظروف بيجيلى اكتئاب وبعوضها برحلة زيادة فى الاسبوع اللى بعدة دى حكايتى وبدايتى مع الصيد البرى وفى حكاية تانية عن الصيد البحرى بس دى بقا هسيبها لموضوع تانى عن الصيد البحرى ولكم خالص تحياتى