رد: الاماكن المقترحة للصيد في مصر
السلام عليكم ...... اخوانى الاعزاء .
والله انا ليا رأى فى حكاية اماكن الصيد ..... انا عن نفسى بيبقى ليا كذا مكان بصطاد فيه .. بس هتلاقى ان فيه مكان وده بيكون انا بس اللى عرفه وبستمتع بطلعه لوحدى فيه او مع اعز صديق مثلا ... وممكن المكان ميكنش فيه طيور كتير بس المتعه فى الصيد القليل انك بتتفنن فى ادق نيشان لقلة الطير وهتلاقى نفسك مبتضيعش كتير ..
وفى نفس الوقت مستمتع بنزول الاهداف وانت بتقفلها من ضربه واحده محكمه ....(الضربه الاوستيك )هههه......
وبالنسبه للاماكن ...... فيه اماكن كتير زى الغمازه ...الشروق ... بدر ... الاسماعيليه بعد البلاجات(فيها كمان بط غطاس او غراب البحر) .... اكتوبر بيفرلى هيلز ... حلوان وصباح التعالب ... وطبعا القرى الجميله فى البدرشين ...
وطبعا متنساش الدلتا واليمام الكبير (قليوبيه وشرقيه ومنوفيه وغربيه ودقهليه ودمياط .....الخ)وبعدين يامعلم
خليك مع النيل وهتلاقى الخير كله وخليك بدرى بدرى قبل ماتطلع الشمس عشان الطيور قول ماتفوق بتروح على اقرب مكان فيه ميه عشان تشرب وبعدين الاكل (ارجو التوضيح لو فيه غلط )....فلو لحقت النيل قبل الشروق هتظبط فى نص ساعه وهتكفى من الاهداف .... يارب اكون عرفت افيدك.... تحياتى .
__________________
وكل الانبياء تقول نفسى **********واحمدنا ينادى من ورائى .
صـــــــــــلى الله عليـــــــــــــــــــــــــــــــــــــــــه وسلــــــــــــــــــــــــــم
|